Cenlle, Cenlle

parroquia civil do concello de Cenlle

Santa María de Cenlle é unha parroquia do concello de Cenlle, provincia de Ourense. Segundo o IGE en 2011 tiña 264 habitantes (137 mulleres e 127 homes), o que supón unha diminución respecto do ano 1999 cando tiña 339 habitantes. O curato é de entrada e provisión ordinaria.

Cenlle
Igrexa de Santa María de Cenlle.JPG
Igrexa de Santa María de Cenlle.
Parroquia de Cenlle do concello de Cenlle.png
ConcelloCenlle[1]
ProvinciaOurense
Poboación264 hab. (2011)
Entidades de poboación6[1]
editar datos en Wikidata ]

XeografíaEditar

Está situada nun outeiro no centro do concello lindando polo norte con San Fiz de Navío, ao leste con Razamonde e Vilar de Rei, ao sur con Sadurnín e ao oeste con San Lourenzo da Pena. O terreo é pedregoso dominado polo monte Barazal dende o cal se divisa case todo o partido xudicial de Ribadavia e parte do do Carballiño.

PatrimonioEditar

No monte Barazal existe unha ermida de San Breixo e na praza do mesmo nome atopábase a casa chamada A Tenencia, que era do Cabido de Ourense, con 1.800 xornais de terra, lugar onde recollía os froitos que anualmente recollía en concepto de foros e rendas. Tamén existe unha capela de San Bieito de propiedade particular.

Nesta parroquia existían dous escudos hoxe desaparecidos e un "cemiterio de brasóns", que alude aos apelidos Pallarés e Piñeiro. Leva unha man portando un feixe de espigas, un castelo e un piñeiro.

Tamén había unha amea que se atopaba na entrada dunha casa, que con dous mais iguais, facían un conxunto do portalón da casa e que puideran corresponder co apelido Deza, dado que cada un leva unha flor de lis. Atópase na actualidade en mans dun anticuario.

FestasEditar

Celébranse as súas festas patronais o día da Asunción, o 14, 15 e 16 de agosto.

Lugares e parroquiasEditar

Lugares de CenlleEditar

Lugares da parroquia de Cenlle no concello de Cenlle

Cenlle | Názara | A Pena | O Pereiro | A Quintá | A Torre

Parroquias de CenlleEditar

 
As dez parroquias que conforman o concello de Cenlle.
Galicia | Provincia de Ourense | Parroquias de Cenlle

A Barca de Barbantes (Santo Antonio) | Cenlle (Santa María) | Esposende (Santa Mariña) | Laias (Santa Baia) | Osmo (San Miguel) | A Pena (San Lourenzo) | Razamonde (Santa María) | Sadurnín (San Xoán) | Trasariz (Santiago) | Vilar de Rei (San Miguel)

Véxase taménEditar

Outros artigosEditar

  1. 1,0 1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.