Celestino Carbia Campaña
Celestino Carbia Campaña, nado en Valga cara a 1898 e finado en Pontevedra o 11 de maio de 1937, foi un político galego.
Biografía | |
---|---|
Nacemento | 1898 Valga, España |
Morte | 11 de maio de 1937 (38/39 anos) Pontevedra, España |
Alcalde de Valga | |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Traxectoria
editarFillo de Francisco Carbia Fariña, foi fundador do Sindicato Agrario de Cordeiro e impulsor do cooperativismo. Coa ditadura de Primo de Rivera foi concelleiro de Valga a partir do 9 de marzo de 1924 xunto ao seu pai Francisco Carbia. Porén ambos dimitiron do cargo un ano despois como “protesta ante a forma en que se efectuou a segregación da freguesía de San Xulián de Requeixo para constituír o Concello de Pontecesures”. Logo das elección de 1931 foi concelleiro de Valga e tenente de alcalde. Asumiu a alcaldía ao renunciar Maximino Mosquera por problemas de saúde. Foi alcalde de Valga até 1933. Presidente de Izquierda Republicana de Valga,[1] foi reposto como alcalde despois do triunfo da Fronte Popular en febreiro de 1936.
Co golpe de Estado do 18 de xullo de 1936 foi detido e estivo preso na Illa de San Simón. Xulgado en Pontevedra por rebelión militar foi condenado a pena de morte e fusilado en Pontevedra o 11 de maio de 1937. Soterrado no cemiterio de Santo Amaro de Pontevedra, a súa familia logrou traer os seus restos en 1977 ao cemiterio de Cordeiro.
Predecesor: Maximino Mosquera Castromán |
Alcalde de Valga 1931 - 1933 |
Sucesor: ? |
Predecesor: ? |
Alcalde de Valga 1936 |
Sucesor: Andrés García Cortés |
Querela arxentina contra os crimes do franquismo
editarA súa familia sumouse á Querela arxentina contra os crimes do franquismo.[2]
Notas
editar- ↑ El País, 11-2-1935, p. 2.
- ↑ Redacción. "A 'querela arxentina' suma a adhesión de cinco familias". Nós Diario. Consultado o 2021-04-21.
Véxase tamén
editarLigazóns externas
editar- Celestino Carbia Campaña na páxina web Nomes e Voces.
- "Alcalde, republicano, asasinado" Praza, 5/5/2016.