Caquetá

Caquetá
	Departamento del Caquetá (es)
Lema	«Libertad, Paz y Progreso»
Localización
	1°02′N 73°54′O / 1.03, -73.9
Estado	Colombia
Capital	Florencia
Poboación
Poboación	410.521 (2020) (4,61 hab./km²)
Lingua usada	Lingua minica ; Lingua bora ; Lingua yucuna ; Lingua murui ; Lingua andoque ; Lingua andaquí ; Lingua tama ; Lingua koreguaje ; Lingua muinane ; Lingua macaguaje ; Lingua inga da xungla
Xeografía
Parte de	Rexión Amazónica de Colombia
Superficie	88.965 km²
Altitude	182 m
Comparte fronteira con	Putumayo ; Guaviare ; Vaupés ; Meta ; Cauca ; Huila ; Amazonas
Creación	15 de decembro de 1981
Organización política
Órgano executivo	despacho do gobernador de Caquetá
• Gobernador	Álvaro Pacheco Álvarez (2016–2019)
Órgano lexislativo	Asemblea Departamental de Caquetá Circunscrición: 0, (Escano: 11)
Identificador descritivo
Fuso horario	UTC−05:00
ISO 3166-2	CO-CAQ
Sitio web	caqueta.gov.co

Para outras páxinas con títulos homónimos véxase: Caquetá (homónimos).

Caquetá é un dos 32 departamentos de Colombia. Atópase localizado no suroccidente do país, na rexión amazónica colombiana, sendo Florencia a súa capital. A rexión do Caquetá iniciase ao pé do monte andino e remata nos escarpes de Araracuara, en plena selva amazónica. Grandes ríos regan o territorio, tódolos afluentes do río Caquetá, que lle serve de límete polo sur. Entre estes ríos destacan o Ajajú ou Apaporis, o Yarí, o Caguán e o Orteguaza, navegábeis por embarcacións menores.

A excepción das poboacións que moran baixo as bases da corilleira, e uns poucos casaríos indíxenas nas marxes dos grandes ríos, o resto do territorio áchase practicamente deshabitado e cuberto de espesa selva tropical húmida, cunha temperatura de entre 27º e 29º.

Os solos están compostos sobre rocas metamórficas da serie das Guaianas, ademais de arenitas de roraima e do Cretáceo. Tamén aparecen cara a cunca do Caquetá rocas sedimentarias do Cenozoico.

Etnografía

Mestizos e brancos (94,75%)
Negros ou afrocolombianos (3,74%)
Indíxenas (1,51%)
Xitanos (0,00%)

Municipalidades

Municipios de Caquetá, con Florencia (capital)

Economía

Economicamente, o territorio é rico en madeiras, resinas, plantas medicinais e gomas. Os solos, especialmente os que lindan coa cordilleira, son fértiles, e aproveitanse con cultivos de arroz, plátano, iuca, cacao e cana de azucre. No pé do monte, existen depósitos de estaño e carbón.

A fauna é diversa e abundante, tanto a terrestre como a fluvial.

Véxase tamén

Ligazóns externas

Páxina oficial (en castelán)