Canadian Bank Note Company
A Canadian Bank Note Company (CBNC) é unha compañía canadense dedicada á impresión de seguridade. Ten a súa sede en Otava, Ontario, e desde 1935 ten un contrato co Banco do Canadá para lle subministrar o papel moeda que pon en circulación.
| Canadian Bank Note Company | |
|---|---|
 | |
 Edificio da Canadian Bank Note Company | |
| Tipo | Compañía privada. |
| Fundación | 1897. |
| Localización | .svg){kind=small} Otava Ontario Canadá. |
| Industria | Cuñaxe. |
| Produtos | Billetess, selos, pasaportes etc. |
| Na rede | |
| http://www.cbnco.com/ | |
  | |
| [ editar datos en Wikidata ] | |
A compañía ten tamén entre os seus clientes outras empresas de titularidade privada, así como diversos gobernos e entidades administrativas, bancos centrais e servizos postais de todo o mundo.
Ademais de billetes, a CBNC produce selos postais e documentos de seguridade como pasaportes,[1] carnés de conducir,[2] billetes de lotaría,[3] documentos de identificación e outros.[4]
Historia
editarEn 1897, a CBNC estableceuse como unha división da compañía estadounidense American Bank Note Company (actualmente ABCorp), con sede en Nova York.[5]
En 1910 constituíuse como empresa independente e en 1973 a súa matriz, a American Banknote Company, vendeulle o 60 % ao empresario de Otava Charles Worthen.[5]
A partir de 1976, Douglas Arends foi adquirindo o control total da compañía e desde entón ten a súa sede en Otava, Ontario.[5]
En outubro de 2006, a compañía estadounidense RR Donnelley completou a adquisición do negocio de impresión financeira da CBNC, consistente na produción de documentación para as ofertas públicas iniciais.[6]
No relativo ao seu negocio internacional, en 1982 a CBNC adquiriu unha nova planta en Ogdensburg, Nova York, para subministrar selos de correos ao Servizo Postal dos Estados Unidos. En 1991 acadou un importante contrato con Ucraína para a produción de papel moeda para ese país e o mesmo sucedeu en 2011 con Nova Zelandia.[5][7] Ademais, desde 2014, a Canadian Bank Note Company é o principal provedor de pasaportes de lectura mecánica utilizados no grupo de países da Comunidade do Caribe (CARICOM),[8] que serven para promover a facilidade dos desprazamentos dentro do Mercado e Economía Únicos do Caribe (CSME).[9]
Galería
editarEsta é unha mostra dalgúns dos produtos impresos pola Canadian Bank Note Company:
-
-
Billete de 10 dólares
Dominion Bank (1935). -
-
-
Selo ucraíno de 2 karbovanets.
.jpg)
.png)
Notas
editar- ↑ "Border Security". Canadian Bank Note Company.
- ↑ "Driver & Vehicle Information". Canadian Bank Note Company.
- ↑ "Lottery & Gaming". Canadian Bank Note Company.
- ↑ "National Identification & Registry". Canadian Bank Note Company.
- ↑ 5,0 5,1 5,2 5,3 Bagnall, J. (2016). "As time (and cash) goes by: A history of the Canadian Bank Note company". En Ottawa Citizen. 22 de xullo.
- ↑ "Canada Bank Note sells division to US company". 21 de setembro de 2006. PrintCan. Canada's Printing News Authority.
- ↑ "CBN crea una nueva serie de billetes para el Banco de Reserva de Nueva Zelanda". Canadian Bank Note Company.
- ↑ "Canadian Bank Note Company assures highest passport quality". Sknis.info. 11 de decembro de 2014.
- ↑ "Canadian firm to supply machine-readable passports to Guyana". En Caribbean Net News. 11 de decembro de 2006.
Véxase tamén
editarWikimedia Commons ten máis contidos multimedia na categoría: Canadian Bank Note Company  |