Calvin Harris

	Harris no Rock in Rio de 2012 en Madrid.
Nome completo	Adam Richard Wiles
Alias	"Stouffer"; ""O Rei do Electropop"
Data nacemento	17 de xaneiro de 1984 (40 anos)
Nado en	Dumfries, Dumfries e Galloway, Escocia
Ocupación	DJ, cantante e produtor
Xénero	Electro house, synthpop e nu-disco
Instrumento(s)	Voz, sintetizador e teclado
Selo(s) discográfico(s)	Fly Eye, Columbia Records, Ministry of Sound, Ultra Music e Roc Nation
Tempo en activo	2005 - presente
Pseudónimo	Calvin Harris, Love Regenerator e Stouffer
Na rede
	calvinharris.co.uk
	[ editar datos en Wikidata ]

Adam Richard Wiles, nado en Dumfries (Dumfries e Galloway) o 17 de xaneiro de 1984, é un DJ, cantante e produtor escocés máis coñecido polo seu nome artístico Calvin Harris.

Traxectoria editar

O seu primeiro álbum foi I Created Disco, lanzado no 2007 e con dous sinxelos no Top 10 do Reino Unido; "Acceptable in the 80s" e "The Girls". O seu segundo álbum, Ready for the Weekend (2009), acadou a posición número un no Reino Unido e contén o primeiro sinxelo, "I'm Not Alone", que foi incluído no Top 5 do país, "Ready for the Weekend", e os temas "Flashback" e "You Used to Hold Me".

En outubro de 2012, Harris lanzou o seu terceiro álbum de estudio, 18 Months, no que se inclúen os sinxelos "Awooga", "Bounce", "Feel So Close", "Let's Go", "We'll Be Coming Back" e "Sweet Nothing". Tamén ten composto e producido para outros artistas como Kylie Minogue, Sophie Ellis-Bextor, Dizzee Rascal, Example, Rihanna (no seu grande éxito "We Found Love"), Florence Welch e Cheryl Cole, entre outros. Actualmente ocupa o posto #31 na enquisa realizada en 2012 pola revista DJmag.^[1] Segundo a revista Forbes, Harris foi o DJ mellor pagado de 2013, acadando os 46 millóns de dólares.^[2]