Call of Duty: Modern Warfare 2

Call of Duty: Modern Warfare 2, tamén denominado Modern Wafare 2 é un videoxogo pertencente á serie Call of Duty. Programado por Infinity Ward e distribuído por Activision, foi lanzado en novembro de 2009 para PC Windows, Xbox 360 e Playstation 3. Segue a liña argumental iniciada por Call of Duty 4: Modern Warfare.

Call of Duty: Modern Warfare 2
Tipo	videoxogo e disciplina de deporte electrónico
Xénero artístico	videoxogo de disparos en primeira persoa
Linguas lingua inglesa lingua italiana lingua castelá lingua alemá lingua francesa lingua rusa
Modo de xogo	videoxogo multixogador, videoxogo para un xogador e modo cooperativo
Motor	IW Engine
Autoría
Interpretado por	Lorne Balfe
Compositor/a	Hans Zimmer
Desenvolvedor	Infinity Ward e Aspyr
Temática
Ambientado en	Afganistán, Brasil, Rusia e Washington, D.C.
Parte de	Parte A da lista de medios nocivos para os menores e Parte B da lista de medios nocivos para os menores
Universo ficticio	universo de Call of Duty
Publicación
Data publicación 23 de decembro de 2009 ordenador persoal (Xapón) 10 de decembro de 2009 (Xapón) 11 de novembro de 2009 10 de novembro de 2009
País orixe	Estados Unidos de América
Editorial	Activision e Square Enix
Distribuidor/a	Steam, Humble Store, Microsoft Store e PlayStation Store
Custo	45.000.000 $ e 200.000.000 $
Formato de distribución	Blu Ray e distribución dixital
Plataforma	Xbox 360, PlayStation 3, Microsoft Windows e macOS
Parte da serie	Call of Duty
Puntuación crítica  94/100, Metacritic  73/100, Metacritic  86/100, Metacritic  94/100, Metacritic  89/100, Kritikanstvo
Cronoloxía
← Call of Duty: World at War Call of Duty: Black Ops →
Premios
Premios (2010)  Japan Game Awards Annual Work Category Global Award Overseas Work Category
Clasificación
Clasificación	PEGI 18 e PEGI 16 CERO USK
Contacto
Páxina WEB	modernwarfare2.com
Redes
[ Wikidata ]

Argumento

Continúa a historia de Call of Duty 4: Modern Warfare, xogo co que comparte numerosas personaxes. A acción comeza en Afganistán, onde as forzas especiais estadounidenses e británicas combaten contra insurxentes. A partir de entón, sucédense varios actos terroristas por Europa, instigados polas forzas ultranacionalistas rusas.

Estilo de xogo

Segue a liña dos seus predecesores, un FPS (first person shooter), con modo campaña para un xogador, e con varias personaxes máis controladas pola máquina. Tamén contén un modo multixogador en liña e unha serie de misións especiais a modo de extra. O armamento presentado é real, incluíndo rifles de asalto, escopetas, pistolas e granadas. Non obstante, varios críticos afirmaron del que era demasiado parecido a Call of Duty 4: Modern Warfare, tamén programado por Infinity Ward .

Recepción e crítica

O xogo contou dende o principio cunha grande expectación. Modern Warfare 2 obtivo moi boas cualificacións que acadaron segundo Metacritic un 94 en PS3 , un 94 en Xbox 360 e un 86 en PC .

Vendas

Rapidamente, Modern Warfare 2 converteuse nun dos videoxogos máis rapidamente vendidos da historia, acadando as 7 millóns de copias nun só día. A versión de Xbox 360 foi a máis vendida, superando os 10 millóns de exemplares . A versión de PS3 vendeu aproximadamente 7 millóns de copias .