CB Zaragoza

(Redirección desde «Banco Natwest Zaragoza»)

O Club Baloncesto Zaragoza, coñecido por motivos de patrocinio como Azulejos Moncayo CBZ, é un club de baloncesto español con sede na cidade de Zaragoza, Aragón. Fundado no ano 1981, é un dos equipos fundadores da Liga ACB, aínda que actualmente compiten na cuarta categoría, a Liga EBA. Durante os anos na elite do baloncesto, o equipo foi principalmente coñecido co nome de CAI Zaragoza. Entre os seus éxitos destacan dúas Copa do Rei e un subcampionato da Copa Saporta. Este equipo non debe confundirse co Basket Zaragoza 2002, equipo que representa á cidade actualmente na ACB.[1]

Club Baloncesto Zaragoza
Información xeral
Liga EBA
Fundación 1981
Cores                Vermello, branco, negro
Presidente España José Luis Rubio
Adestrador España Toño Martín
Patrocinador Azulejos Moncayo
Localización
Cidade España Zaragoza, España
Pavillón Pabellón Polideportivo Universitario
Campionatos
Copa do Rei 2 (1984, 1990)
cbzaragoza.com
Para o actual equipo da Liga ACB, véxase Basket Zaragoza 2002.

Historia editar

En 1981 o Centro Natación Helios non pode manter o apoio económico á súa sección de baloncesto para poder xogar en Primeira División. Ante este feito, José Luís Rubio, presidente do Club Baloncesto Helios, decide en unión dos seus compañeiros de xunta directiva e abonados do club, separarse e fundar o Club Baloncesto Zaragoza. Na primeira temporada (1981−1982) a masa social era duns 450 abonados. A data histórica máis transcendental para a vida do club prodúcese en xullo de 1982 cando se chega a un importante acordo de patrocinio coa Caja de Ahorros de la Inmaculada (do castelán: Caixa de Aforros da Inmaculada). Asegurábase así a continuidade dun club na elite do baloncesto nacional. A partir dese contrato, o club pasou a chamarse CAI Zaragoza.

O Zaragoza é un dos clubs fundadores da ACB e disputou a súa competición durante catorce temporadas ininterrompidas, entre 1983 e 1996. Durante o seu periplo na elite, o Zaragoza conquistou dúas Copas do Rei: a de 1984 ante o FC Barcelona[2] e a de 1990 ante o Joventut Badalona,[3] sendo finalista en 1992 ante CB Estudiantes e 1995 ante Taugrés Vitoria. Ademais, foi o terceiro clasificado da Liga ACB nas temporadas 1986−1987 e 1987−1988, tan só por detrás do Barcelona e o Real Madrid. A nivel europeo, o CAI foi subcampión da Recopa de Europa de 1991 ao perder a final, disputada en Xenebra, contra o PAOK Complan por 76−72. Ao finalizar a temporada 1995−1996, o primeiro equipo foi expulsado da ACB por problemas económicos; manténdose unicamente en competición algúns conxuntos das categorías inferiores. Actualmente o club conta cun equipo sénior que compite en Liga EBA.

Patrocinios editar

Por motivo de patrocinio, o club tivo diversos nomes ao longo da súa historia:

  • Zaragoza Skol (1981−1982)
  • CAI Zaragoza (1982−1992)
  • Banco Natwest Zaragoza (1992−1994)
  • Amway Zaragoza (1994−1996)
  • Adecco Zaragoza (2001−2003)
  • Serviplem Baryval Zaragoza (2004−2008)
  • 100x100 Basket Zaragoza (2009−2015)
  • Azulejos Moncayo CBZ (2015–presente)

Xogadores editar

Destacados editar

Adestradores editar

A seguinte é unha lista dos adestradores do Zaragoza na súa etapa na Liga ACB.

  •   Pepe Laso (1981−1983)
  •   León Najnudel (1983−1984)
  •   Pepe Laso (1984−1985)
  •   Manel Comas (1985−1987)
  •   Ranko Žeravica (1987−1989)
  •   Moncho Monsalve (1989)
  •   Jesús Carrera (1989−1990)
  •   Manel Comas (1990−1992)
  •   Mario Pesquera (1992−1993)
  •   Herb Brown (1993−1994)
  •   Alfred Julbe (1994−1996)

Palmarés editar

Copa do Rei

  • Campións (2): 1984, 1990
  • Subcampións (2): 1992, 1995

Historial editar

Ano Nivel Liga Pos. V–D Copa do Rei Outras copas Competicións europeas
1981–82 1 1ª División 15–11
1982–83 1 1ª División 16–1–9 Oitavos de final 3 Copa Korać CF 5–3
1983–84 1 ACB 20–16 Campións 3 Copa Korać SF 7–1
1984–85 1 ACB 17–16 Copa Asociación 2 Copa Saporta SF 5–3
Supercopa
1985–86 1 ACB 21–11 Cuarto lugar 3 Copa Korać R2 3–1
1986–87 1 ACB 21–12 Semifinais Copa Príncipe OF 3 Copa Korać SF 5–5
1987–88 1 ACB 18–17 Cuartos de final Copa Príncipe SF 3 Copa Korać CF 3–5
1988–89 1 ACB 23–18 Semifinais 3 Copa Korać CF 4–4
1989–90 1 ACB 20–19 Campións 3 Copa Korać FG 6–4
1990–91 1 ACB 22–16 Cuartos de final 2 Copa Saporta 8–3
1991–92 1 ACB 28–11 Subcampión 3 Copa Korać FG 6–4
1992–93 1 ACB 19–18 Cuarto lugar 2 Copa Saporta SF 10–6
1993–94 1 ACB 14º 12–19 Terceira rolda 3 Copa Korać FG 2–8
1994–95 1 ACB 24–17 Subcampión
1995–96 1 ACB 25–15 Cuartos de final 3 Copa Korać FG 3–7
1996–01 Non participou en ningunha competición
2001–02 4 Liga EBA 13º 12–22
2002–03 4 Liga EBA 14–16
2003–04 Non participou en ningunha competición
2004–08 Categorías inferiores
2008–09 6 1ª División 13–13
2009–10 5 1ª División 10–16
2010–11 5 1ª División 19–6
2011–12 5 1ª División 25–1
2012–13 5 1ª División 20–5
2013–14 5 1ª División 22–4
2014–15 5 1ª División 19–4
2015–16 5 1ª División 17–3
2016–17 5 1ª División 16–4
2017–18 5 1ª División 10–5
2018–19 5 1ª División 16–5

Notas editar

  1. "Historia en imágenes" [Historia en imaxes]. zaragozaesacb.wordpress.com (en castelán). Consultado o 18 de agosto de 2021. 
  2. "¡Campeón!". El Mundo Deportivo. 2 de decembro de 1983. 
  3. "76-69 - CAI, soberano campeón". El Mundo Deportivo. 14 defebreiro de 1990. 

Véxase tamén editar

Ligazóns externas editar