As Berlengas

As Berlengas
Tipo	grupo de illas; área protexida da rede Natura 2000; Lugar de importancia comunitaria
Localización
División administrativa	Peniche, Portugal
Localización	Distrito de Leiria
	39°24′56″N 9°30′36″O / 39.415624, -9.510041
Bañado por	Océano Atlántico
Características
Superficie	0,9577 km²; 95.770 ha
World Database on Protected Areas
Identificador	555531076
Área protexida da rede Natura 2000
Identificador	PTCON0006
Actividade
Visitantes anuais	25.000 (1998)

O Arquipélago das Berlengas está situado no océano Atlántico, a 10 km ao oeste de Peniche, na costa de Portugal. O arquipélago é de bloque granítico.

Forman parte desta illa tres pequenos illotes: Berlenga Grande, Estelas e Farilhões.

A parte máis importante da illa é chamada Berlenga e representa máis de 2/3 da superficie total da illa. A outra parte está separada pola erosión marítima e chámase Illa Vella.

Historia

Barrio dos Pescadores e o Porto

A ocupación humana da Berlenga Grande (única habitable) remontase á Antigüidade, sendo coñecida como illa de Saturno polos xeógrafos Romanos. Posteriormente foi visitada por navegadores Musulmáns, viquingos, corsarios franceses e ingleses.

En 1513, co apoio da raíña Dna. Leonor, monxes da Orde de San Xerome estabelecéronse co propósito de ofrecer auxilio á navegación e ás vítimas dos frecuentes naufraxios naquela costa atlántica, arrasada por corsarios, fundando o Mosteiro da Misericordia da Berlenga, no local onde, desde 1953, se ergue un restaurante. Entre tanto, a escaseza de alimentos, as doenzas e os constantes asaltos de piratas e corsarios marroquís, alxerinos, Ingleses e Franceses, tornaron imposible a vida de retiro dos frades, moitas veces incomunicados debido á inclemencia do mar.

Farol

Faro Duque de Bragança

O Faro da illa foi construído en 1841, o Faro foi bautizado como Duque de Bragança.

O Faro utiliza a enerxía acumulada durante o día (a través de varios paneis solares), con 29 m. de altura, a súa luz é visíbel nunha área ata cerca de 50 km.

Fortaleza das Berlengas

Artigo principal: Forte de São João Baptista das Berlengas.

O forte de planta poligonal irregular (orgánica), presenta unha edificación principal, con doce salas ou cuartos onde funcionaban as dependencias de servizo (Casa do Comando, Cuarteis de Tropas, Almacéns, Cociña e outros) e mais oito compartimentos inscritos no interior das murallas. Un corredor sen iluminación dá acceso internamente aos varios puntos da estrutura.

Fauna

No tocante á fauna destácanse a lagarta de Bocage e o sardão, esta última especie ameazada pola poboación de gaivotas, coellos e ratos. Existen varias especies de aves, mariñas e non mariñas, que nidifican neste punto illado do litoral, como:

Arao (ave símbolo da Reserva Natural das Berlengas);
Cagarra;
Corvo mariño de crista;
gaivotas;
Pardela-de-bico-amarelo;
Roque de Castro.

No mar, entre tanto, é onde se encontra a maior riqueza do arquipélago, unha das zonas de maior riqueza ictiolóxica da costa portuguesa.

Flora

Armeria berlengensis

Existen cerca dunha centena de especies botánicas na área, incluíndo:

Turismo

Area de acampada

Existen dous restaurantes na illa, o Restaurante e Quartos Mar e Sol e no Forte de São João Baptista, unha zona de acampada e un minimercado con produtos esenciais.

Praias

Praia do Carreiro do Mosteiro

Outros

O arquipélago foi palco e tema principal do filme O Rei das Berlengas, realizado en 1978 por Artur Semedo e contando co falecido Mário Viegas no papel de protagonista, o herdeiro da dinastía dos Teles de Midões que se bate pola independencia do arquipélago de Portugal.