Alexandre II de Rusia

Alexandre II de Rusia
	;
Nome orixinal	(ru) Александр II Николаевич
Biografía
Nacemento	17 de abril de 1818 (Xuliano) ; Small Nicholas Palace, Rusia (en)
Morte	1 de marzo de 1881 (Xuliano) (62 anos); Palacio de Inverno, Rusia
Causa da morte	homicidio; rexicidio, Hemorraxia
Lugar de sepultura	Catedral de San Pedro e San Paulo de San Petersburgo
Emperador de todas as Rusias
	18 de febreiro de 1855 (Xuliano) – 1 de marzo de 1881 (Xuliano) ; ← Nicolao I de Rusia – Alexandre III de Rusia →
Membro do Consello de Estado do Imperio Ruso
Datos persoais
Residencia	Palacio de Inverno
Relixión	Cristianismo ortodoxo
Actividade
Ocupación	gobernante, estadista, monarca
Carreira militar
Rango militar	general field marshal (en) (1878 (Xuliano)–)
Outro
Título	Emperador de todas as Rusias
Familia	Casa de Holstein-Gottorp-Romanov
Cónxuxe	Catarina Dolgorukov (1880–1881 (Xuliano)); María de Hesse (1841 (Xuliano), 1841–1880 (Xuliano)), morte do cónxuxe
Fillos	Joseph Raboxicz; () Princess N. Lubomirska; Alexandra Alexandrovna da Rússia; () María de Hesse; Yevgeni Ivanovich Alekseyev; () ; Nicolao Aleksandrovich de Rusia; () María de Hesse; Alexandre III de Rusia; () María de Hesse; Vladimir Aleksandrovich de Rusia; () María de Hesse; Bohdan Michał Ogiński; () Ireneusz Kleofas OgińskiCountess Olga Kalinovskya; Alexis Alexandrovich da Rússia; () María de Hesse; Maria Alexandrovna da Rússia; () María de Hesse; Antoinette Bayer; () Wilhelmine Bayer; Sérgio Alexandrovich da Rússia; () María de Hesse; Paulo Alexandrovich da Rússia; () María de Hesse; Prince George Alexandrovich Yuryevsky; () Catarina Dolgorukov; Olga Yurievskaya; () Catarina Dolgorukov; Prince Boris Yourievsky; () Catarina Dolgorukov; Catherine Alexandrovna Yurievskaya; () Catarina Dolgorukov
Pais	Nicolao I de Rusia e Alexandra Feodorovna
Irmáns	María Nikolaevna de Rusia; Gran Duquesa Sabela Nicholaevna de Rusia; Olga Nikolaevna de Rusia; Alexandra Nikolaevna de Rusia; Miguel Nicolaievich de Rusia; Nicolao Nikolaevich de Rusia; Constantino Nikolaevich de Rusia
Parentes	Natalia Nordman, afillada
Cronoloxía
1 de marzo de 1881 (Xuliano)	Asasinato de Alexandre II de Rusia
25 de maio de 1867	Q16686806
Premios
	(13 de setembro de 1855) Gran Cruz de Cabaleiro da Orde Militar de Guillerme; Orde de Santo André; Orde de santo Estanislau de 1a clase; Gold Sword for Bravery (en) ; Cabaleiro de cuarta clase da Orde de San Xurxo do Imperio Ruso; Cabaleiro da Orde do Espírito Santo; Orde de Santa Ana de primeira clase; Cabaleiro da Orde de Santo Alexandre Nevski; Orde da Aguia Branca; Cabaleiro da Orde de San Miguel; Cabaleiro da Orde do Vélaro de Ouro; Order of St. Vladimir, 1st class (en) ;
	Sinatura
Descrito pola fonte	Grande Enciclopedia Soviética 1969-1978, (sec:Александр II (росс. император)); Encyclopædia Britannica; Russian Biographical Dictionary (en)

Alexandre II, nado en Moscova o 29 de abril de 1818 e finado en San Petersburgo o 13 de abril de 1881, foi Emperador e Autócrata do Imperio Ruso de 1855 a 1881.

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Traxectoria

Fillo do emperador Nicolao I de Rusia e da princesa Carlota de Prusia (que tomaría o nome de Alexandra Feodorovna), naceu en Moscova o 29 de abril de 1818. Casou en 1841 coa princesa María de Hesse e do Rin. Deste matrimonio nacería o seu sucesor, Alexandre. Ao mes de quedar viúvo no 1880 casou en segundas nupcias coa princesa Catherine Dolgoruky, que tomaría o título de Princesa Iurievska. Os fillos habidos desta muller antes do matrimonio foron lexitimados ao pouco de casaren. Alexandre morreu asasinado en San Petersburgo o 13 de marzo de 1881.

Gran Duque de Finlandia

O monumento a Alexandre II "O Libertador" na Praza do Senado de Helsinqui foi erixido en 1894. A data "1863" fai referencia á re-apertura da Dieta de Finlandia. Este monumento, expresa o agradecemento finlandés a este tsar, que acabou con moitos períodos de tensión e guerra con Rusia.

En 1863 Alexandre II volveu establecer a Dieta de Finlandia e puxo en marcha varias reformas que aumentaban a autonomía de Finlandia, incluíndo o establecemento dunha moeda propia, o marco finlandés. A liberación da empresa conduciu a un aumento do investimento estranxeiro e a un profundo desenvolvemento industrial. Para rematar, elevou o idioma finés a lingua nacional, equiparándoo ao sueco, posibilitando unha igualdade de oportunidades para unha maior proporción da sociedade. Alexandre II foi considerado como "O Bo Tsar" en Finlandia.

A actitude de Alexandre cara a Finlandia podería ser vista como unha verdadeira crenza de que as reformas serían máis fáciles de probar nun pequeno país homoxéneo que o conxunto de Rusia. O trato benevolente cara a Finlandia tamén pode ser visto como unha recompensa pola lealdade da poboación durante a guerra de Crimea e durante o levantamento polaco. Tamén podería ser un intento de debilitar os fortes lazos que Finlandia mantiña aínda con Suecia.

Intentos de asasinato

Véxase tamén: Asasinato de Alexandre II de Rusia.

Gravado da época que mostra o atentado de 1867.

En 1866 houbo un atentado contra a vida do tsar en San Petersburgo, perpetrado por Dmitri Karakozov. O atentado produciuse no xardín de verán, sendo salvado o tsar por un home que apartou a tempo a arma do terrorista, impedindo así que o emperador recibira algunha ferida. Para conmemorar o feito, construíronse un gran número de capelas e igrexas en moitas cidades do Imperio.

Na mañá do 20 de abril de 1879, Alexandre II ía camiñando cara a Praza da Garda Persoal, cando foi atacado por un estudante chamado Aleksandr Soloviov. Tras ver un revolver nas súas mans, o tsar fuxiu. Soloviov disparou cinco veces, pero fallou e foi condenado a morte e aforcado o 28 de maio dese ano.

O estudante actuou pola súa conta, pero outros revolucionarios estaban desexosos de asasinar a Alexandre. En decembro de 1879, Narodnaia Volia (en ruso Vontade do pobo), un grupo revolucionario radical que ideaba unha revolución social, organizou unha explosión no ferrocarril de Livadia a Moscova, pero non alcanzaron ao vagón do Tsar. Na noite do 5 de febreiro de 1880, o mesmo conxunto revolucionario levou a cabo un atentado nun salón do Palacio de Inverno, pero o tsar volveu a saír ileso, aínda que outras 67 persoas resultaron mortas ou feridas. O comedor tamén resultou danado.^[1]

Matrimonio e fillos

O tsar Alexandre II e a súa dona, a tsarina María, co seu fillo, o futuro tsar Alexandre III.

O 16 de abril de 1841, Alexandre casou coa princesa María de Hesse-Darmstadt en San Petersburgo, posteriormente coñecida como María Alexandrovna. O tsarévich afirmou estar profundamente namorado da princesa e non aceptou falar doutra candidata. María era filla de Lois II de Hesse-Darmstadt e de Guillermina de Baden, aínda que se dubidaba de se o seu pai era o gran duque ou o amante da súa nai, o barón August von Senarclens de Grancy. O matrimonio tivo seis fillos e dúas fillas:

Gran Duquesa Alexandra Aleksandrovna (1842-1849). Morta na infancia.
Gran Duque Nicolao Aleksandrovich (1843-1865), comprometido con Dagmar de Dinamarca.
Tsar Alexandre III (1845-1894), casado con Dagmar de Dinamarca.
Gran Duque Vladimiro Aleksandrovich (1847-1909), casado con María de Mecklemburgo-Schwerin. Trala desaparición da rama maior, a de Nicolao II, a súa descendencia converteuse na rama primoxénita da familia. Cuxo xefe é na actualidade a Gran Duquesa María Vladimirovna Romanova.
Gran Duque Alexis Aleksandrovich (1850-1908), casado con Alexandra Zhukovskaya.
Gran Duquesa María Aleksandrovich (1853-1920), casada con Alfredo de Saxonia-Coburgo-Gotha.
Gran Duque Serxio Aleksandrovich (1857-1905), casado con Isabel de Hesse-Darmstadt.
Gran Duque Paulo Alexandrovich (1860-1919), casado con Alexandra de Grecia, e nun segundo matrimonio con Olga Paléi.

Alexandre tivo moitas amantes durante o seu matrimonio e foi pai de sete fillos ilexítimos recoñecidos. Estes inclúen a Antoinette Bayer (1856-1948), coa súa amante Guillermina Bayer; a Michael Bogdan-Oginski (1848-1909), coa condesa Olga Kalinóvskya (1818-1854); e a Joseph Raboxicz.

O 6 de xullo de 1880, menos dun mes despois da morte da tsarina María, ocorrida o 8 de xuño, Alexandre casou morganaticamente coa súa amante, a princesa Catalina Dolgorúkov, con quen xa tiña catro fillos:

Xurxo Aleksandrovich Romanov Iúrievski (1872-1913), casado coa condesa Alexandra Zarnekau e logo divorciado.
Olga Aleksandrovich Romanov Iúrievski (1873-1925), casada co conde Xurxo Von Merenberg.
Boris Aleksandrovich Iúrievski (1876-1876).
Catalina Aleksandrovna Romanov Iúrievski (1878-1959), casada primeiramente co príncipe Alexandro Bariatinsky, e en segundas nupcias co príncipe Serge Obolensky.

Devanceiros

Devanceiros de Alexandre II de Rusia

Notas

↑ Radzinsky 2005, p. 415

Véxase tamén

Bibliografía

Crankshaw, Edward (2000). The Shadow of the Winter Palace: The Drift to Revolution, 1825–1917. Da Capo Press. ISBN 978-0-306-80940-8.
Eklof, Ben (1994). Russia's Great Reforms, 1855–1881. ISBN 978-0-253-20861-3.
Lincoln, W. Bruce. The Romanovs: Autocrats of All the Russias (1983) excerpt and text search
Moss, Walter G., Alexander II and His Times: A Narrative History of Russia in the Age of Alexander II, Tolstoy, and Dostoevsky. Londres: Anthem Press, 2002. online Arquivado 12 de xaneiro de 2006 en Archive.is
Mosse, W. E. Alexander II and the Modernization of Russia (1958) online Arquivado 13 de agosto de 2017 en Wayback Machine.
Pereira, N.G.O.,Tsar Emancipator: Alexander II of Russia, 1818–1881, Newtonville, Mass: Oriental Research Partners, 1983.
Polunow, Alexander (2005). Russia in the Nineteenth Century: Autocracy, Reform, And Social Change, 1814–1914. M E Sharpe Incorporated. ISBN 978-0-7656-0672-3.
Radzinsky, Edvard, Alexander II: The Last Great Tsar. Nova York: The Free Press, 2005.
Zakharova, Larissa (1910). Alexander II: Portrait of an Autocrat and His Times. ISBN 978-0-8133-1491-4.

Outros artigos

Ligazóns externas

Predecesor: Nicolao I	Tsar de Rusia 1855 - 1881	Sucesor: Alexandre III
Predecesor: Nicolao I	Rei de Polonia 1855 - 1865	Sucesor: Unificación do territorio con Rusia Alexandre III
Predecesor: Nicolao I	Gran Ducado de Finlandia 1855 - 1881	Sucesor: Alexandre III

[1] Radzinsky 2005, p. 415

[1]