Alejandro Rodríguez Cadarso
Alejandro Rodríguez Cadarso, nado en Noia o 21 de agosto de 1887 e finado en Lubián (Zamora) o 15 de decembro de 1933, foi un médico e político galego que chegou a ser reitor da Universidade de Santiago de Compostela.
| Alejandro Rodríguez Cadarso | |
|---|---|
 | |
| Nome completo | Alejandro Rodríguez Cadarso |
| Nacemento | 21 de agosto de 1887 |
| Lugar de nacemento | Noia |
| Falecemento | 16 de decembro de 1933 |
| Lugar de falecemento | Lubián |
| Causa | accidente de tráfico |
| Soterrado | cemiterio de Boisaca |
| Nacionalidade | España |
| Alma máter | Universidade de Santiago de Compostela |
| Ocupación | político e médico |
| Pai | Jesús María Rodríguez Vázquez |
| Irmáns | José Rodríguez Cadarso |
| [ editar datos en Wikidata ] | |
Traxectoria editar
Alejandro Rodríguez Cadarso naceu nunha familia burguesa. O seu pai era o doutor santiagués Jesús María Rodríguez Vázquez, e a súa nai era Manuela Cadarso Ronquete, que era ó mesmo tempo sobriña carnal do capitán noiés Luis Cadarso Rey, que finou na batalla de Cavite (Filipinas) na Guerra hispano-estadounidense en 1898. Casou en 1911 e tivo numerosa descendencia.
,_Rodr%C3%ADguez_Cadarso,_Castelao,_Jos%C3%A9_S%C3%A1nchez_Rojas,_Vilar_Ponte_e_Otero_Pedrayo.jpg)
En 1916 obtivo a Cátedra de Técnica Anatómica da Universidade de Sevilla e a de Anatomía Descritiva na Universidade de Santiago[1]. En 1925 publicou un estudo sobre a arteria carótide no Journal of Anatomy[2]. Fundou o Instituto de Estudios Portugueses e foi vicerreitor da Universidade de Santiago desde o 4 de novembro de 1929 e reitor desde o 29 de marzo de 1930[3], deputado (1931-1933) pola ORGA, caracterizouse polo seu apoio á autonomía de Galicia. Como reitor pretendeu ligar a Universidade coa cultura galega e coa sociedade galega en xeral, favorecendo a súa modernización[4], e desenvolveu a Residencia de Estudantes (un dos colexios maiores leva o seu nome, o CM Rodríguez Cadarso) e o Campus Sur [5].
Morreu aos 46 anos, cando preparaba o seu discurso de ingreso na Real Academia Galega, nun accidente de automóbil preto da localidade zamorana de Lubián cando se dirixía a unha conferencia en Madrid, xunto co médico e profesor Francisco Bacariza Varela.[6][7]. Soterrárono no cemiterio de Boisaca.
Vida persoal editar
Casou con Cristina Ladrón de Guevara Enríquez, e tiveron nove fillos,[8] entre eles Víctor, Manuel e Antonio Rodríguez-Cadarso Ladrón de Guevara.
| Predecesor: Luís Blanco Rivero |
 Reitor da Univ. de Santiago 1930 - 1933 |
Sucesor: Ricardo Montequi Díaz de Plaza |
Notas editar
- ↑ Bugallo, Ánxela ([2012]) "Alejandro Rodríguez Cadarso. O impulsor da modernización científica e educativa da Universidade" CCG.
- ↑ "A Rare Case of Tortuosity of the Internal Carotid Artery", publicado no Jornal of Anatomy.
- ↑ Antón Capelán Rey, Contra a Casa da Troia, 1994, páx. 101
- ↑ Baldomero Cores Trasmonte, Ciencia e galeguidade na II República, 1989, páx. 205
- ↑ "Agrelo calificó a Rodríguez Cadarso de hombre conciliador y luchador" Arquivado 03/03/2016, en Wayback Machine., artigo en La Voz de Galicia, 8 de outubro de 2004.
- ↑ "Un desgraciado accidente de automóvil causó la muerte a los señores Rodríguez Cadarso y Bacariza". El Eco de Santiago (en castelán). 16 de decembro de 1933. p. 1.
- ↑ Quique Alvarellos (6 de maio de 2018). "O barranco da morte de Rodríguez Cadarso". La Voz de Galicia.
- ↑ Daniel (20 de xaneiro de 2016). "La familia Rodríguez Cadarso". El rincón de la genealogía (en castelán).
Véxase tamén editar
Wikimedia Commons ten máis contidos multimedia na categoría: Alejandro Rodríguez Cadarso  |
Bibliografía editar
- Reguera López, A. et al.. "Rodríguez Cadarso, Alejandro" en Gran Enciclopedia Galega.
- "Rodríguez Cadarso, Alejandro" en Diciopedia do século 21, t. 3, p. 1824.
- "Rodríguez Cadarso, Alexandre" en Diccionario enciclopédico galego universal, t. 53, p. 67.
- "Rodríguez Cadarso, Alexandre" en Dicionario biográfico de Galicia, t. 3. p. 178.
- R. Bermejo, M. (2008): Rodríguez Cadarso. Un reitor para un país. Universidade de Santiago de Compostela.
Outros artigos editar
- Bugallo, Á. "O impulsor da modernización científica e educativa da Universidade" Álbum da Ciencia, CCG.