Luís Blanco Rivero

Luís Blanco Rivero-de Aguilar, nado en Santiago de Compostela en 1877 e finado na mesma cidade o 8 de marzo de 1942, foi un médico e político galego.

Luís Blanco Rivero

Biografía
Nacemento	1877 Santiago de Compostela, España
Morte	8 de marzo de 1942 (64/65 anos) Santiago de Compostela, España
Reitor da Universidade de Santiago de Compostela
1921 – 1930 ← Lino Torre Sánchez-Somoza – Alejandro Rodríguez Cadarso →
Alcalde de Santiago de Compostela
1 de xaneiro de 1914 – 8 de agosto de 1917 ← Salvador Cabeza de León – Vicente López Mosquera →
Actividade
Ocupación	médico, político
Premios
(1918)  Gran Cruz da Orde de Isabel a Católica

Traxectoria

Fillo de Ramón Blanco Castro (xefe de negociado de primeira clase da Facenda Pública) e Josefa Rivero-de Aguilar Rodríguez, e irmán de Purificación (casada con Lino Torre Sánchez-Somoza) e Ramón (banqueiro na Arxentina). Estudou Medicina en Santiago, e doutorouse na Universidade Central de Madrid en 1894 coa tese Los diferentes tratamientos de la pneumonía fibrinosa y el método de Z. Petresco, publicada en Santiago de Compostela en 1895.

Foi catedrático de Anatomía Topográfica e Operacións e de Patoloxía Cirúrxica da Universidade de Santiago de Compostela. Foi alcalde de Santiago de Compostela (1914-1917), reitor da súa Universidade (1921-1929) e presidente da Real Sociedade Económica de Amigos do País de Santiago (1933-1940). Ten publicacións sobre os tratamentos da pneumonía fibrinosa, a diagnose de invaxinacións crónicas intestinais, as luxacións de cóbado e aptose hepática.

Vida persoal

Casou en 1906 con Engracia Guitián García-Barros, filla de Claudio Guitián Fariña, coa que tivo tres fillas: María Purificación (casada con José Goyanes Varela), Engracia (casada con Juan Villar Alonso) e María Consuelo (casada con Salvador Parga Pondal).

Véxase tamén

Bibliografía

• Dicionario biográfico de Galicia 1. Ir Indo Edicións. 2010-2011. p. 120. 

Ligazóns externas

• "Luís Blanco Rivero". Álbum da Ciencia do Consello da Cultura Galega.