Adrián Colunga
Adrián Colunga Pérez, nado o 17 de novembro de 1984 en Oviedo, é un futbolista español. Xoga de dianteiro e o seu actual club é o Anorthosis Famagusta FC chipriota.
  | |||||||||||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 17 de novembro de 1984 (39 anos) Oviedo, España | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Altura | 172 cm | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Peso | 70 kg | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Período de actividade | 2001 - 2018 | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||||||||||||||||||||||
Traxectoria
editarComo xogador formouse na canteira do Sporting de Gijón, onde xogara xa o seu avó Sindo, extremo dereito do Sporting nos anos 50.[1] Foi máximo goleador en todas as categorías inferiores de devandito club asturiano, desde alevín ata xuvenil, co que chegou a marcar nunha tempada 65 goles. Co Sporting conseguiu o título de campión de España en categoría cadete. Tamén foi habitual na selección asturiana de fútbol.
Aínda en idade xuvenil é cedido a un equipo da Terceira División asturiana, o Club Deportivo Turón, onde anotou 8 tantos en 8 partidos e logrou chamar a atención de equipos de maior categoría sendo ese mesmo ano en decembro onde debutaría na categoría de bronce. Aínda en idade xuvenil, o Marino de Luanco de Segunda B solicita os seus servizos. Despois milita no Ceares e regresa ao Sporting de Gijón B, desde onde regresa ao Marino de Luanco.
Tras tantas cesións, decide saír da órbita do Sporting. O seu periplo continúa fóra de Asturias, concretamente no Soledad Paguera de Mallorca en Terceira e posteriormente ao Pájara Playas de Fuerteventura en Segunda B.
No verán de 2007 foi traspasado ao UD Las Palmas da Segunda División, club que nun primeiro momento expúxose a súa cesión a un equipo de Segunda B, pero acabou integrándose no primeiro equipo. Aos poucos fíxose un oco entre os titulares e terminou a tempada 2007–08 con 13 tantos, sendo o segundo máximo goleador do equipo tras Marcos Márquez.
En xullo de 2008 foi traspasado ao Recreativo de Huelva por 2,7 millóns de euros, asinando por catro tempadas, cunha cláusula de rescisión de 15 millóns de euros.[2] Así se produciu o seu debut en Primeira División na primeira xornada ante o Real Betis no Ruiz de Lopera anotando o gol da vitoria do seu novo equipo.
Na tempada 2009–10 volve a Segunda co Recreativo e o seu rendemento é menor, e rodeado de polémica[3] marcha cedido ao Real Zaragoza de Primeira ata o final da tempada. Comeza a tempada marcando en Tenerife e axudando á remontada do seu equipo. Co paso dos partidos afiánzase no once titular e acaba a tempada pichichi do Real Zaragoza con 7 goles, entre eles 2 a Víctor Valdés, porteiro do FC Barcelona, e a Iker Casillas, porteiro do Real Madrid. Á súa vez acaba pichichi dos reforzos de inverno na Liga BBVA empatado con Osvaldo, dianteiro do Espanyol cedido tamén en decembro.
O verán do 2010 volveu ao Recreativo, pero o seu desexo de xogar en Primeira pono no mercado.[4] Finalmente foi traspasado ao Getafe CF por 2,5 millóns de euros, club co que consegue, o 19 de agosto de 2010, debutar na UEFA Europa League fronte ao APOEL FC de Chipre.
Notas
editar- ↑ El Comercio 06-03-2011
- ↑ Colunga al Recreativo
- ↑ "Colunga: "No puedo más"". Diario de Navarra (en castelán). Arquivado dende o orixinal o 01 de agosto de 2012. Consultado o 06 de marzo de 2011.
- ↑ "El Decano tasa a Colunga en 3,5 millones de euros"
Véxase tamén
editarLigazóns externas
editar- Ficha e estatísticas en UEFA.com Arquivado 19 de xaneiro de 2011 en Wayback Machine.
- Ficha en GetafeFC.com
- Ficha en BDfutbol.com