Reñosa

A reñosa ou vermelliña (Achondrostoma arcasii) é unha especie da familia de peixes ciprínidos, que vive en ríos e lagos da Península Ibérica.

Reñosa

Estado de conservación

Vulnerable^[1]

Clasificación científica

Dominio:	Eukarya
Reino:	Animalia
Filo:	Chordata
Clase:	Actinopterygii
Infraclase:	Teleostei
Superorde:	Ostariophysi
Orde:	Cypriniformes
Suborde:	Cyprinoidea
Familia:	Cyprinidae
Subfamilia:	Leuciscinae
Xénero:	Achondrostoma
Especie:	A. arcasii (Steindachner, 1866)

Distribución de A. arcasii.^[2]

Sinonimia

Leucos arcasii (Steindachner, 1866)
Chondrostoma arcasii (Steindachner, 1866)
Rutilus arcasii (Steindachner, 1866)

Características

Vermelliña do Río Douro.

É unha especie de pequeno tamaño, cunha lonxitude máxima de 10 cm e un peso de 40 g, de cabeza pequena, boca subterminal coa aleta dorsal de perfil convexo, coa súa orixe situada na vertical da inserción das aletas ventrais, liña lateral moi marcada e coloración escura no dorso e encarnada na base das aletas pares.

O número de escamas no lateral oscila entre 36 e 48, presenta 7 espiñas radiais nas aletas dorsal e anal e entre 4 e 6 dentes farínxeos.

Reprodúcense entre os meses de maio e xuño, con fecundación externa, depositando os ovos sobre o substrato.

Hábitat

Vive en lagos e ríos de montaña, formando unha asociación característica coa especie Salmo trutta. Vive nos cursos baixos dos ríos, con leitos lamacentos e vexetación acuática palúdica, como nos afluentes do esteiro do río Miño. Tamén é a única especie autóctona que habita en lagos endorreicos, como a lagoa de Gallocanta. É unha especie endémica da Península Ibérica.

Alimentación

A súa alimentación é oportunista, baseada principalmente en invertebrados acuáticos, aínda que nalgúns ríos a súa alimentación ten un forte compoñente detritívoro, consumindo tamén algunhas plantas. Esta alimentación oportunista pode ter un valor adaptativo particular en ríos mediterráneos de marcada estacionalidade.

Notas

↑ Crivelli, A. J. (2006). "Achondrostoma arcasii". Lista Vermella de especies ameazadas. Versión 2015.2 (en inglés). Unión Internacional para a Conservación da Natureza. Consultado o 24 de agosto de 2015.
↑ "Chondrostoma arcasii (Steindachner, 1866). Bermejuela" (PDF). Atlas y Libro Rojo de los peces continentales de España (en castelán). Ministerio de Medio Ambiente. pp. 167–169.

Véxase tamén

Bibliografía

Froese, Rainer; Pauly, Daniel, eds. (Abril de 2006). "Achondrostoma arcasii". FishBase (en inglés).

Ligazóns externas

"A Vermelliña". Ríos Galegos.

[1] Crivelli, A. J. (2006). "Achondrostoma arcasii". Lista Vermella de especies ameazadas. Versión 2015.2 (en inglés). Unión Internacional para a Conservación da Natureza. Consultado o 24 de agosto de 2015.

[2] "Chondrostoma arcasii (Steindachner, 1866). Bermejuela" (PDF). Atlas y Libro Rojo de los peces continentales de España (en castelán). Ministerio de Medio Ambiente. pp. 167–169.

[1]

[2]