¡Hay motivo! é unha serie de 32 curtametraxes producidas en febreiro de 2004 e proxectados a partir do 9 de marzo nas que se critican diversos aspectos da realidade social española e ó goberno do Partido Popular en distintos temas sociais e políticos. De acordo cos propios realizadores, o propósito desta serie de curtametraxes era propiciar un cambio de goberno ante as inminentes eleccións xerais.

¡Hay motivo!
Creado porGabriel Celaya, Juan José Millás
Desenvolvido porLeire Aurrekoetxea
Dirixido porÁlvaro del Amo, El Gran Wyoming, Vicente Aranda etc[1]
IntérpretesLaura Aparicio, Silvia Rey, Luís Tosar, etc[2]
País de orixeEspaña
Lingua(s)castelán
Produción
CámaraÁngel Iguácel
Duración100 minutos
Emisión orixinal
Canle de orixeUniversidades
Na rede
IMDB: tt0407858 Filmaffinity: 820003 Allmovie: v305949 TCM: 642483 Editar o valor em Wikidata
editar datos en Wikidata ]

Contido editar

Entre os temas de crítica atópanse a subida do prezo da vivenda, a xestión por parte do goberno da crise que seguiu ó afundimento do petroleiro Prestige en Galicia, o apoio do presidente José María Aznar á invasión de Iraq de 2003 ou a manipulación da televisión pública, avalada pola condena xudicial ó presentador de informativos Alfredo Urdaci, por manipulación informativa no caso dunha folga xeral convocada polo sindicato Comisións Obreiras e UXT.

Logo da compilación da película, os cineastas realizaron unha última curta, a que fixo o número 33.

¡Hay Motivo! non se emitiu comercialmente en cines, senón que foi proxectado en universidades e outros lugares que solicitaron expresamente a súa proxección. Tamén se emitiu en canles locais de televisión. Os propios cineastas utilizaron estas canles a fin de difundir a serie tan rápido como lles fose posible, polo que tamén animaron a descargar a película por Internet, a través de redes P2P.

O efecto da película na opinión pública é dificilmente avaliable, xa que os atentados de Madrid o 11 de marzo de 2004, tan só tres días antes das eleccións, supuxeron un cambio demasiado brusco na sociedade e na política española.

Finalmente, a película foi estreada comercialmente o día 12 de novembro de 2004 e proxectada ata o día 25 do mesmo mes, último día de exhibición da cinta. Arredor de 496 espectadores se achegaron ó cine para vela (datos do Ministerio de Cultura). A recadación ascendeu a 2.831,40 euros.

Antecedentes editar

Un dos detonantes da realización desta cinta foi probablemente a XVII edición dos Premios Goya, celebrada o 1 de febreiro de 2003, na que actores e directores levaron chapas dicindo "Non á guerra" e converteron o acto nunha alegación contra a mesma.

Outro dos antecedentes foi probablemente o éxito que tivo a película documental de Michael Moore Bowling for Columbine, que supuxo un rexurdimento do xénero documental.

As curtas editar

Notas editar

  1. "Directores". Arquivado dende o orixinal o 16 de novembro de 2010. Consultado o 08 de setembro de 2011. 
  2. "Reperto". Arquivado dende o orixinal o 16 de novembro de 2010. Consultado o 08 de setembro de 2011. 

Véxase tamén editar

Ligazóns externas editar