Xoán Xosé Plá
Xoán Xosé Plá Fernández, nado en Viveiro en 1906, foi un farmacéutico e político galego.
| Biografía | |
|---|---|
| Nacemento | 1906  Viveiro, España |
| Morte | 1981 (74/75 anos) |
| Actividade | |
| Ocupación | farmacéutico, político |
| Familia | |
| Pai | José Pla Zubiri |
Traxectoria
editarFillo do farmacéutico viveirense José Pla Zubiri e sobriño de Xoán Pla Zubiri. Farmacéutico en Viveiro. Durante a Segunda República militou no Partido Galeguista de Viveiro, ao que se afiliou en 1932 e foi secretario do Grupo Galeguista de Viveiro en 1936. Foi candidato galeguista nas eleccións a compromisarios para a elección do presidente da República en abril de 1936.[1][2] Foi nomeado profesor de matemáticas e director da Escola de Formación Profesional de Viveiro en xullo de 1936.[3][4]
Cando aconteceu o golpe de Estado do 18 de xullo de 1936 atopábase en territorio leal á república e durante a Guerra Civil participou na creación das Milicias Populares Galegas, foi delegado do corpo de Carabineiros, e colaborou en Nova Galiza. En Barcelona foi secretario de asistencia de Solidaridade Galega Antifeixista. Coa fin da guerra civil fuxiu a Francia, incorporándose ao maquis. Logo da liberación de Francia estableceuse en Montauban.
En Francia foi un dos artífices da creación do Frente Liberador Gallego, ligado á loita guerrilleira, constituído en Tolosa a finais de 1944 e promovido por Enrique Líster e o PCE, e do que Plá foi presidente. Tivo un importante papel no nacemento do Bloque Repubricán Nazonal Galego.[5] Foi representante do Partido Galeguista do interior no exilio. Mantivo unha liña de desconformidade coa actuación política de Castelao. Tamén estivo na nómina dos servizos de información do PNV. A última noticia sobre Plá é a súa participación nos actos de apoio que se desenvolveron no sur francés contra a sentenza de morte de seis activistas de ETA a finais de 1970.
Notas
editarVéxase tamén
editarBibliografía
editar- Diéguez Cequiel, Uxío-Breogán; Velasco, Carlos (2012) [2010]. "Da repressom franquista à resistência". Entre la construcció nacional i la repressió identitària (PDF). Museu d’Història de Catalunya. p. 319.
- Diéguez Cequiel, Uxío-Breogán (2017). "El exilio europeo del nacionalismo gallego a partir de 1939. Francia y la figura de Xohán Xosé Plá". Cahiers de civilisation espagnole contemporaine (18). Consultado o 29 de xuño de 2021.
- Pereira Martínez, Carlos: "César Alvajar Diéguez e o republicanismo galego en Europa" Anuario Brigantino 2002, n.º 25.