Walter Alvarez
Walter Alvarez, nado o 3 de outubro de 1940 en Berkeley, é un profesor estadounidense no Departamento de Ciencias da Terra e Planetarias da Universidade de California. É coñecido pola teoría de que un asteroide chocou contra a Terra hai 65 millóns de anos causando a grande extinción K-T (extinción do Cretáceo-Terciario, máis coñecida pola extinción dos dinosauros), desenvolvida en colaboración co seu pai, Luis Alvarez.
  | |
| Biografía | |
|---|---|
| Nacemento | 3 de outubro de 1940 (83 anos) Berkeley, Estados Unidos de América |
| Datos persoais | |
| País de nacionalidade | Estados Unidos de América |
| Educación | Universidade de Princeton Carleton College (pt)  - xeoloxía |
| Actividade | |
| Ocupación | xeólogo , profesor universitario , arqueólogo , físico , paleontólogo |
| Empregador | Universidade de California en Berkeley Universidade de Columbia |
| Membro de | |
| Lingua | Lingua inglesa |
| Obra | |
| Arquivos en |
|
| Familia | |
| Pais | Luis Walter Álvarez e Geraldine Smithwick (en) |
Premios
| |
 | |
Traxectoria editar
Familia editar
Walter Alvarez é fillo de Luis Álvarez, físico colaborador de Robert Oppenheimer no proxecto Manhattan, gañador do Premio Nobel de Física no ano 1968. O seu avó era o médico Walter C. Alvarez e o seu bisavó, nacido en Asturias, era o médico Luis F. Álvarez, que traballou como médico en Hawai e desenvolveu un método para mellorar o diagnóstico da lepra macular. A súa tía avoa, Mabel Alvarez, foi unha pintora ao óleo postimpresionista.[1]
Apelido editar
O apelido da familia, adoptado por Walter C. Alvarez, corresponde ao apelido materno de Luís Fernández Álvarez
O apelido Álvares/Álvarez, de orixe galego-portuguesa e astur-leonesa/castelá foi anglicizado sen o acento gráfico, sendo citado en publicacións científicas como Walter Alvarez e Walter Alvares.[2] O seu pai tamén é citado como Alvarez e Alvares, ás veces sendo transcrito o pai como Alvares e o fillo Alvarez e viceversa.[3]
Teoría do impacto editar
Alvarez e o seu pai, Luis W. Alvarez, son máis coñecidos polo seu descubrimento (con Frank Asaro e Helen Michel) de que unha capa de arxila que se producía xusto no límite Cretáceo - Paleóxeno (K-Pg) estaba moi enriquecida no elemento iridio . Dado que o enriquecemento de iridio é común nos asteroides pero moi pouco común na Terra, postularon que a capa foi creada por un gran impacto de asteroide coa Terra e que este impacto foi a causa probable da extinción do Cretáceo-Paleóxeno.[4]
_Boundary_at_Bottaccione_Gorge_near_Gubbio_Italy.jpg)
Este enriquecemento de iridio xa se observou en moitos outros lugares do mundo. Ademais, identificouse o enorme cráter Chicxulub na costa nordeste da península de Iucatán e agora considérase a proba definitiva dun gran impacto, e quizais a causa do suceso. En consecuencia, a maioría dos científicos aceptan agora un escenario de impacto como a causa máis probable da extinción do Cretáceo-Paleóxeno que ocorreu hai 66 millóns de anos e que foi a responsable da eliminación do 75% de todas as especies daquela existentes, incluíndo todos os dinosauros non aviarios.[5] O seu libro, T. Rex and the Crater of Doom, detalla o descubrimento do suceso.
Ademais do seu interese polos eventos e impactos de extinción, Alvarez contribuíu á comprensión da tectónica mediterránea, a xeoloxía e a arqueoloxía romanas e ao establecemento de correlacións magneto-estratigráficas.[5] [6]
Obras editar
- T. Rex and the Crater of Doom (Princeton University Press, 1997) ISBN 0-375-70210-5
- The Mountains of Saint Francis: The Geologic Events that Shaped Our Earth (W. W. Norton, decembro de 2008) ISBN 9780393061857
- A Most Improbable Journey: A Big History of our Planet and Ourselves (W. W. Norton, 2016) ISBN 978-0393292695
Notas editar
- ↑ "Los Álvarez, una saga científica con raíces asturianas". Agencia SINC (en castelán). Consultado o 2023-08-28.
- ↑ Kurzban, Stanley A. (1982-04-01). "Societies' adaptation to computing". ACM SIGCAS Computers and Society 12 (2): 14–20. ISSN 0095-2737. doi:10.1145/958564.958567.
- ↑ "Extinction - Background Extinction, Mass Extinction". microbiologynote.com (en inglés). 2023-06-20. Consultado o 2023-08-28.
- ↑ People and Discoveries: Alvarez finds evidence of dinosaur-killing asteroid, 1980,PBS website, accessed April 17, 2011.
- ↑ 5,0 5,1 Schulte, Peter; Alegret, Laia; Arenillas, Ignacio; Arz, José A.; Barton, Penny J.; Bown, Paul R.; Bralower, Timothy J.; Christeson, Gail L.; Claeys, Philippe (2010-03-05). "The Chicxulub Asteroid Impact and Mass Extinction at the Cretaceous-Paleogene Boundary". Science (en inglés) 327 (5970): 1214–1218. ISSN 0036-8075. doi:10.1126/science.1177265.
- ↑ "Walter Alvarez" (en inglés). Consultado o 2021-09-27.
| Predecesor: Kenneth Jinghwa Hsu |
Medalla Penrose 2002 |
Sucesor: {{{sucesor}}}
|
Véxase tamén editar
Wikimedia Commons ten máis contidos multimedia na categoría: Walter Alvarez  |