Universidade Columbia
A Universidade Columbia é unha universidade privada situada na cidade de Nova York, Estados Unidos de América.
| Universidade Columbia | |
|---|---|
 | |
| Datos xerais | |
| Localización | Nova York, Estado de Nova York |
| Fundación | 1754 |
| Datos actuais | |
| Reitor | Lee Bollinger |
| Alumnos | 6 923 non graduados; 15 731 graduados e estudantes profesionais |
| Datos de contacto | |
| Páxina web | http://www.columbia.edu |
| [ editar datos en Wikidata ] | |
Columbia é unha das oito universidades da Ivy League, sendo as outras Harvard, Princeton, Yale, Pensilvania, Cornell, Dartmouth, e Brown. A escola foi fundada no ano 1754 como King's College (Colexio do Rei). Cando Estados Unidos se declarou independente da Gran Bretaña, a universidade tamén fixo o mesmo. O seu nome mudou a Columbia porque neses anos aquel termo representaba aspiracións patrióticas.
Inicialmente, a universidade foi fundada case no final da illa de Manhattan, na terra da igrexa Trinity Church. No seguinte século mudaría máis ao norte da illa, onde agora se encontra Rockefeller Center, e no ano 1896 mudou unha última vez, desta vez ao barrio de Morningside Heights. Neses anos Morningside Heights era maiormente terra facendeira.
O seu equipo deportivo son os Columbia Lions e a súa mascota o león real.
Columbia HoxeEditar
A día de hoxe a universidade conta con máis de 132 000 m² só no seu campus principal. Alén do campus principal hai moitas residencias estudantís próximas ao campus propio, e no barrio de Washington Heights encontrase o Campus de Facultades de Ciencias Médicas.
As escolas sub-graduadas da universidade son as seguintes: Columbia College (CC), The Fu Foundation School of Engineering and Applied Sciences (SEAS) e The School of General Studies (GS).
Columbia tamén ten moitas facultades de estudos graduados, incluíndo as de Dereito, Traballo Social, Xornalismo, Enxeñería, a de Políticas Internacionais e Públicas (SIPA).
O actual presidente da universidade é Lee C. Bollinger, sendo presidente desde o ano 2003.
Véxase taménEditar
| A Galipedia ten un portal sobre: Estados Unidos de América |