Võ Nguyên Giáp
Võ Nguyên Giáp, nado o 25 de agosto de 1911 en An Xa, provincia de Quảng Bình (Vietnam), e finado o 4 de outubro de 2013 en Hanoi, foi un militar vietnamita
  | |
| Biografía | |
|---|---|
| Nacemento | (vi) Võ Giáp 25 de agosto de 1911 Lộc Thủy, Vietnam (en)  |
| Morte | 4 de outubro de 2013 (102 anos) Hanoi, Vietnam |
| Minister of Defence (en) | |
| 1 de xullo de 1948 – 7 de febreiro de 1980 ← Quang Bửu Tạ (en) – Văn Tiến Dũng (pt) → | |
| Minister of Defence (en) | |
| 3 de novembro de 1946 – 1 de agosto de 1947 ← Phan Anh (en) – Quang Bửu Tạ (en) → | |
| Member of the National Assembly of Vietnam (en) | |
| 2 de marzo de 1946 – 16 de xuño de 1987 | |
| Commander in Chief of the Vietnam People's Army (en) | |
| 1946 – 1975 ← sen valor – Supresión do cargo → | |
| Secretary of the Central Military Commission of the Communist Party of Vietnam (en) | |
| 1946 – 1977 ← sen valor – Lê Duẩn (pt) → | |
| Datos persoais | |
| País de nacionalidade | Vietnam |
| Relixión | Irrelixión |
| Educación | Universidade Nacional de Hanói (pt) Lycée Albert Sarraut (en) |
| Actividade | |
| Ocupación | militar , escritor , xornalista , político , estadista |
| Período de actividade | 1944 - |
| Empregador | Office of Strategic Services (pt) |
| Partido político | Partido Comunista de Vietnam (1931–) Tân Việt Revolutionary Party (en) (1924–) |
| Lingua | Lingua vietnamita e lingua francesa |
| Carreira militar | |
| Rama militar | Viet Minh e Exército do Povo do Vietnã (pt) |
| Rango militar | four-star rank (en) |
| Comandante de (OBSOLETO) | Exército do Povo do Vietnã (pt) |
| Conflito | Segunda guerra mundial, Batalla de Dien Bien Phu, Ofensiva do Tet (pt) , Easter Offensive (en) , Guerra de Indochina e Guerra do Vietnam |
| Familia | |
| Cónxuxe | Đặng Bích Hà (en) (1946–valor descoñecido) Nguyễn Thị Quang Thái (en) (1939–1944) |
| Pai | Võ Quang Nghiêm (en) |
Premios | |
Sinatura  | |
   | |
Traxectoria editar
Era fillo dun mandarín de segunda clase, e fixo estudos de Dereito e Historia en Hue. Foi militante comunista desde os anos 30 do século XX. En setembro do 1939, logo da prohibición do Partido Comunista, Giáp trasladouse á China, onde coñeceu a Hô Chi Minh, con quen creou o Viet Minh na conferencia de Chingsi, en maio de 1941. A finais dese ano Giáp marchou ás montañas do Vietnam para formar os primeiros grupos guerrilleiros.
Dirixente militar do Vietminh, en decembro de 1944 capturou un punto militar francés, logo de ter formado os primeiros batallóns das súas forzas armadas. Iniciada a Guerra de Indochina en decembro de 1946, logo do bombardeo de Haiphon por parte de Francia, retirouse cara á China, ata que en outubro de 1950 ocupou a zona montañosa fronteiriza. A partir de entón, a guerrilla difúndese por Vietnam e Laos. Mais Giáp sempre considerou que só a formación dun auténtico exército podería derrotar os colonialistas.
A fins de 1953 Giáp aceptou o reto francés dunha batalla definitiva: a Dien Bien Phu, na que, despois de varias semanas de combate, as tropas vietnamitas saíron vencedoras o día 7 de maio de 1954. O que se consideraba imposíbel, a vitoria de colonizados sobre un exército occidental en campo aberto, fora logrado.
Logo da conferencia de Xenebra, Suíza, que recoñecía a independencia das colonias francesas en Indochina, Giáp pasou a ser ministro de defensa de Vietnam do Norte. Simultaneamente, dirixiu as operacións no Sur contra o exército dos norteamericanos e os seus aliados. Logrou converter o fracaso da ofensiva de 1968 nun éxito político, ao demostrar aos estadounidenses que enfrontaban unha guerra inacabable.
Despois do fracaso da ofensiva da Pascua de 1972 foi cesado temporalmente do mando das operacións, pero conservou a cadeira de ministro de defensa. Entre 1976 e 1991 ostentou o cargo de viceprimeiro ministro.
Recoñecido como un dos maiores estrategos do século XX, consideraba que a base do poder militar residía no apoio dos campesiños e a táctica da "guerra prolongada".