Ignacio Vidales Tomé
Ignacio Vidales Tomé, nado en Ponteareas o 30 de marzo de 1896 e finado no mesmo concello o 11 de agosto de 1963,[1] foi un xornalista, debuxante e caricaturista galego.
  | |
| Biografía | |
|---|---|
| Nacemento | 30 de marzo de 1896 Ponteareas, España |
| Morte | 11 de agosto de 1963 (67 anos) Ponteareas, España |
| Datos persoais | |
| País de nacionalidade | España |
| Actividade | |
| Ocupación | xornalista , debuxante , caricaturista |
| Lingua | Lingua castelá |
Traxectoria editar
Fixo os primeiros estudos en Vigo. Marchou a Vilalba onde exerceu como amanuense do seu tío, o notario Victoriano Tomé Ramos. En 1921 obtivo o título de procurador dos tribunais, asentouse en Ponteareas e abriu un bufete. Despois sería xuíz municipal de Ponteareas.
Debutou como debuxante en 1917 na revista Vida Gallega, despois colaborou en El Tea, Don Quijote, El Galleiro, Faro de Vigo e El Pueblo Gallego. Compaxinou o debuxo de humor cos artigos, nos que case sempre falaba de fútbol.
A través do seu humor, sutil e irónico, puxo de relevo os aspectos máis negativos do momento que lle tocou vivir nunha Galicia caracterizada pola fame, a pobreza, a emigración e a falla de igualdade social.
Despois da súa morte, en 1964, algúns dos seus artigos foron recollidos no libro Ruleta de motivos puenteareanos por Carlos Rivero Troncoso. Clodio González Pérez publicou unha antoloxía dos seus debuxos.
O seu concello adicoulle o nome dunha rúa.
Notas editar
- ↑ Porto Bernárdez, Gabino. "Ha muerto D. Ignacio Vidales Tomé" El Pueblo Gallego, 14-8-1963, p. 4 (en castelán).
Véxase tamén editar
Bibliografía editar
- González, Clodio (edición) (1982). Os noso humoristas n.º 2. Ediciós do Castro. ISBN 84-7492-120-1.
- González, Clodio (edición) (1992). El humor de Vidales Tomé. Biblioteca 114 n.º 44. El Correo Gallego.
- Novoa Iglesias, Miguel Ángel (1980). Vidales Tomé. Vigo: autoedición. ISBN 84-300-2815-3.
- "Vidales Tomé, Ignacio". Dicionario biográfico de Galicia 3. Ir Indo Edicións. 2010-2011. p. 308.
- Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Ligazóns externas editar
- Marín Formoso, Xaquín. "Ignacio Vidales Tomé" Diccionario Biográfico Español. Real Academia de la Historia (en castelán).