Victoria (nao)

A Victoria foi unha nao ou carraca construída no século XVI pola monarquía hispana para a navegación oceánica. A Victoria foi a primeira nave en circunnavegar a terra. Foi construída para a chamada «Armada da especiería» ou «Armada de Magallanes» sendo o único navío que deu a volta ao mundo (1519-1522) ao mando de Juan Sebastián Elcano.

Victoria Santa María de la Victoria
Nao Victoria. Detalle nun mapa de Abraham Ortelius (1590).
Historial
Estaleiro	Ondarroa
Clase	Navegación oceánica
Tipo	nao, carraca
Operador	Armada de Magallanes
Posta en grella	1518
Botado	1519
Baixa	1570
Destino	Perdida na viaxe a Sevilla dende as Antillas.
Características xerais
Desprazamento	85 toneis (102 toneladas)
Eslora	18 a 21 metros (59 a 69 pés)
Manga	7,5 m
Puntal	-
Calado	<2 m
Cubertas	2 cubertas e castelo a proa e popa
Aparello	3 paus Aparello de cruz con gavias en trinquete e maior Mesana latina
Blindaxe	Madeira de carballo
Armamento	6 falconetes de ferro forxado 4 canóns de ferro forxado
Propulsión	vela
Velocidade	<7 nós
Tripulación	<55
Primeiro navío en dar a volta ao mundo.

Descrición

A nao Victoria armouse nos estaleiros de Ondarroa (País Vasco). Non queda documentación do estaleiro nin da súa construción ou planos. O nome vén da igrexa de Santa María da Victoria de Triana (Sevilla). Alí foi onde Fernão de Magalhães xurou servizo ao rey Carlos I. Tiña unha capacidade de carga de 85 toneis viscaínos (102 toneladas). Tivo un custo de 300 000 marabedís, incluíndo o bote e o aparello.​ No inicio da expedición contaba cunha tripulación de 45 homes: 9 oficiais, 11 mariños, 3 artilleiros, 10 grumetes, 2 paxes e outros 10 homes máis entre criados do capitán e outros viaxeiros.

Tripulantes

Tripulantes que volveron a España na nao Victoria

Nome	Posto
Juan Sebastián de Elcano, de Getaria	Capitán
Francisco Albo, de Axio	Piloto
Miguel de Rodas, de Rodas	Piloto
Juan de Acurio, de Bermeo	Piloto
Antonio Lombardo (Pigafetta), de Vicenza	Sobresaliente
Martín de Yudícibus, de Savona	Marino
Hernando de Bustamante, de Mérida	Mariñeiro e barbeiro
Nicolás el Griego, de Nauplia	Mariñeiro
Miguel Sánchez de Rodas, de Rodas	Mariñeiro
Antonio Hernández Colmenero, de Ayamonte	Mariñeiro
Francisco Rodríguez, portugués de Sevilla	Mariñeiro
Juan Rodríguez, de Huelva	Mariñeiro
Diego Carmena Gallego, de Baiona	Mariñeiro
Hans, de Aquisgrán	Artilleiro
Juan de Arratia, de Bilbao	Grumete
Vasco Gómez Gallego el Portugués, de Baiona	Grumete
Juan de Santandrés, o de Santander, de Cueto	Grumete
Juan de Zubileta, de Barakaldo	Paxe

Frota da que formou parte

Réplica da nao Victoria construída en 1992 para a Expo de Sevilla, no porto de Nagoya, Xapón.

Armada inicial da expedición de Magalhães, 1519 Navío Tonelaxe Tripulación Trinidad 110 55 San Antonio 120 60 Concepcion 90 45 Victoria 85 42 Santiago 75 32 Tripulación total: 234 O Victoria de Magalhães