Troponina C

Troponina C 1, músculo esquelético lento e cardíaca
Identificadores
Símbolo	TNNC1 ; CMD1Z; CMH13; TN-C; TNC; TNNC
Entrez	7134
OMIM	191040
RefSeq	NP_003271
UniProt	P63316
Outros datos
Locus	Cr. 3 p21.3-14.3.(52.49 – 52.49 Mb)

Troponina C 2, músculo esquelético rápido
Identificadores
Símbolo	TNNC2
Entrez	7125
OMIM	191039
RefSeq	NP_003270
UniProt	P02585
Outros datos
Locus	Cr. 20 q12-13.11.(44.45-44.46 Mb)

A troponina C é unha proteína que forma parte do complexo da troponina, que se encontra nos miofilamentos musculares finos (xunto coa actina e a tropomiosina) e que ten a característica de que se pode unir a ións calcio. Como resultado da unión do calcio á troponina C, os elementos que forman parte dos filamentos finos musculares experimentan unha serie de cambios alostéricos que permiten a interacción da actina coa miosina e que se produza a contracción muscular.

Troponina C en complexo.

Contén catro motivos estruturais de tipo man EF para a unión ao calcio, aínda que diferentes isoformas poden ter menos de catro subdominios de unión ao calcio funcionais. Contén un lóbulo N e outro C. O lóbulo C ten unha función estrutural e únese ao dominio N da troponina I. O lóbulo C pode tamén ligarse ao Ca²⁺ ou ao Mg²⁺. O lóbulo N, que só se pode ligar ao Ca²⁺, é o lóbulo regulador, e únese ao dominio C da troponina I despois de unirse ao calcio. A letra C do seu nome fai referencia ao calcio.

Tipos

Hai dous subtipos específicos de tecido desta proteína, que son:

• Troponina C lenta ou TNNC1, codificada en 3p21.3-p14.3, presente no músculo esquelético de contracción lenta e no cardíaco (OMIM, 191040).
• Troponina C rápida ou TNNC2, codificada en 20q12-q13.11, presente no músculo esquelético de contracción rápida (OMIM 191039).

Véxase tamén

Outros artigos

• Troponina
• Troponina T
• Troponina I
• Proteína fixadora de calcio

Ligazóns externas

• Troponin C Medical Subject Headings (MeSH) na Biblioteca Nacional de Medicina dos EUA.