Thomas K. DeLorey

numismático estadounidense

Thomas K. DeLorey, nado en Detroit, Míchigan, o 26 de agosto de 1950, é un investigador e escritor numismático estadounidense.

Thomas K. DeLorey
Datos persoais
Nacemento26 de agosto de 1950
LugarDetroit
NacionalidadeEstados Unidos de América
CónxuxeJean Hardwidge.
Actividade
CampoNumismática.
Alma máterUniversidade Estatal Wayne
Contribucións e premios
PremiosVéxase a sección "Recoñecementos".
editar datos en Wikidata ]

Traxectoria editar

Thomas DeLorey cursou os seus estudos superiores na Universidade Estatal Wayne, en Míchigan, a súa cidade natal, onde se graduou en 1972.[1][2]

O decembro do ano seguinte ingresou no cadro da revista numismática Coin World como corrector de probas e en maio de 1974 foi nomeado editor adxunto da sección "Collectors' Clearinghouse".[1][2]

O 1 de novembro de 1978 foi contratado pola American Numismatic Association (ANA) como autenticador, e traballou na ANACS —a axencia de certificación da ANA— desde xullo de 1981, ata a súa dimisión o 30 de abril de 1984.[2] Durante ese período é de salientar a súa identificación do espécime "Linderman" do dólar de 1804 que lle fora roubado a Willis DuPont.[1]

En 1981 foi editor do TAMS Journal .[1]

Posteriormente traballou cos comerciantes numismáticos Walter Perschke (durante 1984-1988) e Harlan Berk (1989- 2010), ambos establecidos en Chicago. En 2004 ingresou no Professional Numismatic Guild ("Gremio Numismático Profesional").[1][2]

DeLorey foi un estudoso dos produtos numismáticos do comerciante Thomas Elder, asunto sobre o que escribiu un coñecido artigo titulado "Thomas L. Elder: A Catalogue of his Tokens and Medals", publicado en The Numismatist en xuño e xullo de 1980,[2][3][4] que o fixo merecedor dos premios Heath Literary e Wayte and Olga Raymond Memorial en 1981. Outro artigo seu sobre James N. Longacre publicado en 1985, na mesma revista,[5] valeulle novamente a concesión de ambos os premios. E en 2020, por un artigo sobre o dólar da Liberdade Sentada de 1873-S publicado o ano anterior, logrou estes dous premios por terceira vez.[1][6]

Vida familiar editar

DeLorey casou o 18 de outubro de 1986 con Jean Hardwidge, quen faleceu en 2010. Volveu contraer matrimonio en 2013.[1]

Recoñecementos editar

Notas editar

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Smith, P. (2012).
  2. 2,0 2,1 2,2 2,3 2,4 2,5 2,6 2,7 Thomas DeLorey". En The Most Influential People in Numismatics 1960-2020. Coin World. Páxina 38.
  3. DeLorey, T. (1980). "Thomas L. Elder: A Catalogue of his tokens and medals" (1ª parte). En The Numismatist. Xuño. Páxinas 1328-1351.
  4. DeLorey, T. (1980). "Thomas L. Elder: A Catalogue of his tokens and medals" (2ª parte). En The Numismatist. Xullo. Páxinas 1608-1630.
  5. DeLorey, T. (1985). "Longacre: Unsung engraver of the U.S. Mint". En The Numismatist. Vol. 98. Nº 10. Outubro.
  6. 6,0 6,1 6,2 "ANA Honors distinguished numismatists and writers with awards". En Coins Weekly. 27 de agosto de 2020.
  7. "The Clemy Award Winners". Numismatic Literary Guild.
  8. 8,0 8,1 8,2 "American Numismatic Association Past Award Recipients". American Numismatic Association.

Véxase tamén editar

Bibliografía editar