Abrir o menú principal

Os sulfatos son os sales ou os ésteres do ácido sulfúrico. Conteñen como unidade común un átomo de xofre no centro dun tetraedro formado por catro átomos de osíxeno.

Sulfato
Identificadores
Número CAS 14808-79-8
PubChem 1117
ChemSpider 1085
Número CE 233-334-2
ChEBI CHEBI:16189
Imaxes 3D Jmol Image 1
Propiedades
Fórmula molecular O4S
Masa molar 96,06 g mol−1
Se non se indica outra cousa, os datos están tomados en condicións estándar de 25 °C e 100 kPa.

Os sulfatos inorgánicosEditar

Os sulfatos inorgánicos son os sales do ácido sulfúrico. Na natureza encóntranse en forma de xeso (sulfato de calcio dihidratado; CaSO4·2H2O), barita (sulfato de bario; BaSO4) ou sulfato sódico (Na2SO4). Fórmanse pola oxidación dos sulfuros cando estes entran en contacto co osíxeno do aire.

SínteseEditar

A maioría dos sulfatos xenéranse a partir dunha base e máis do ácido sulfúrico ou por reacción do ácido sulfúrico co metal.

AplicaciónsEditar

As aplicacións dos sulfatos adoitan variar enormemente segudo o metal ó que estean unidos. Así o sulfato sódico, por exemplo, utilízase na fabricación do vidro, como aditivo nos deterxentes etc.; a calcantita (sulfato de cobre) aproveitase na fabricación da viscosa segundo un determinado proceso.

O xeso e a barita utilízanse na construción e como aditivos na fabricación de papel e cartolina. O sulfato de bario tamén se utiliza na medicina para realizar radiografías de contraste.

AnalíticaEditar

Os sulfatos son parte esencial dunhas sales dobres como os alumes de fórmula xeral AB(SO4)2·12H2O, sendo A e B catións con carga +1 e +3 respectivamente. O máis coñecido é o alume sódico formado polo sodio e o aluminio.

Os sulfatos solubles precipitan en presenza do cloruro de bario (tamén os de solución ácida) en forma de sulfato de bario (BaSO4) como sólido branco. Se ó mesmo tempo hai permanganato presente, este pode ser incluído no precipitado dándolle unha cor lixeiramente rosácea.

Co sodio metálico é reducido ó sulfuro (reacción moi violenta) e pode ser determinado como tal.

Os sulfatos orgánicosEditar

Os sulfatos orgánicos son os ésteres do ácido sulfúrico con fórmula xeral R–O–SO2–O–R'. Pódense formar directamente do alcol correspondente e do ácido sulfúrico ou do trióxido de xofre ou a partir do alcol e o cloruro de sulfurilo (Cl2SO2) en presenza dunha base.

Trátase con moita probabilidade de substancias canceríxenas.

O sulfato orgánico máis coñecido é o sulfato de dimetilo (H3CO)2SO2 que se utiliza nalgunhas reaccións de metilación.

Véxase taménEditar