Abrir o menú principal

Stephen Dedalus

personaxe nas obras autobiográficas de James Joyce
Estatua de James Joyce en Dublín.

Stephen Dedalus é o nome dun personaxe de ficción, álter ego do escritor irlandés James Joyce en varias das súas novelas.

O nome do personaxe mestura dúas facetas da cultura occidental -o elemento clásico e o cristián- moi presentes en toda a obra de James Joyce. Stephen é o nome de Estevo, o primeiro mártir do cristianismo. Doutra banda, na mitoloxía grega, Dédalo era un arquitecto e artesán famoso pola súa habilidade, e construtor do labirinto de Creta.

Aparicións de Stephen DedalusEditar

O personaxe de Stephen Dedalus fixo a súa aparición por primeira vez na novela Stephen the Hero, un primeiro esbozo que máis tarde se convertería en Retrato do artista cando novo, primeira novela extensa de Joyce. Nela mostra o camiño de Stephen cara á madurez persoal, moral, sexual e literaria, de maneira que esta novela pode encadrarse no xénero do bildungsroman. Nesta obra Stephen preséntase como un ser tímido, débil e introvertido, soñador pero incapaz de relacionarse co mundo con normalidade.

O personaxe de Stephen foi retomado anos máis tarde por Joyce na súa obra mestra, o Ulises, na que comparte protagonismo con Leopold Bloom. Ambos os dous personaxes parecen ser trasuntos do autor, un durante a súa etapa xuvenil (Stephen) e outro na madurez (Leopold). A novela narra as longas camiñadas dos dous personaxes pola cidade de Dublín durante 24 horas, ata que ambos os dous se atopan e volven durmir a casa de Leopold. Nesta obra o personaxe de Stephen relaciónase co de Telémaco, dentro do esquema de paralelismos que Joyce establece coa Odisea de Homero. Tamén se adoitou relacionar a súa figura coa de Hamlet, personaxe sobre o que se debate durante a propia novela.

Véxase taménEditar