Spa, Bélxica
Coordenadas: 50°29′33″N 5°51′51″L / 50.49250, -5.86417
Spa é un municipio de Bélxica. Atópase na Rexión Valoa da Provincia de Liexa. Está situado nun val nas montañas das Ardenas, a uns 35 km. ao sueste de Liexa, e a 45 km ao suroeste de Aquisgrán. O 1 de xaneiro de 2012, Spa tiña unha poboación total de 10.579 habitantes. Ten unha superficie total de 39´85 km², resultando unha densidade de poboación de 270 habitantes por km².
| Spa, Bélxica | ||
|---|---|---|
| ||
 | ||
| Casino de Spa | ||
| Localización | ||
  Spa | ||
| País |  Bélxica | |
| Rexión | Valonia | |
| Provincia | Provincia de Liexa | |
| Distrito | Verviers | |
| Xeografía | ||
| Superficie | 39´85 km² | |
| Demografía | ||
| Poboación | 10.579 hab. (2012) | |
| Densidade | 270 hab/km² | |
| Outros datos | ||
| Código postal | 4900 | |
| Alcalde | Sophie Delettre (MR) | |
| www.spa-info.be | ||
Historia Editar
A cidade é famosa polos seus mananciais desde os tempos da Roma Antiga, cando era chamada Aquae Spadanae,[1] denominación posiblemente relacionada con spargere (en latín, 'lanzar aquí e alí, espallar' (gotas).[2] A afirmación de que a palabra "spa" sexa un acrónimo da expresión latina salus per aquam ou "sanitas per aquam" ("saúde pola auga") parece carecer de fundamento.
Xa na Idade Media, no século XIV as augas de Spa gañaron fama polas súas propiedades medicinais, e o manancial era coñecido como Espa ("fonte", en lingua valoa). E aínda que outros mananciais de augas minerais curativas son famosos en todo o mundo, é a vila de Spa, a que converteuse en epónimo de calquera lugar que teña unha fonte de auga natural que posúa propiedades especiais para a saúde, como spa. Desde o século XVIII a cidade tamén conta cun casino.
En 1918, o exército alemán estableceu a súa sede principal en Spa, e foi desde aquí que os delegados dirixíronse ás liñas francesas para pactar co Mariscal Foch e pedir a paz nas consultas previas ao Armisticio, que puxo fin á primeira guerra mundial. En xullo de 1920 foi sede da Conferencia de Spa, unha reunión do Consello Supremo. Delegados alemáns foron invitados a este para discutir as reparacións de guerra.
A cidade está preto do Circuíto de Spa-Francorchamps, (en realidade hoxe en día atópase en Stavelot) que alberga o Gran Premio de Bélxica de Fórmula 1. Tamén é a localización do manancial de auga mineral de Spa.
Hércules Poirot o detective de ficción de Agatha Christie naceu en Spa.
Spa foi sede da final da Etapa 2 do Tour de Francia 2010, o 5 de xullo.
Relacións internacionais Editar
Cidades irmás Editar
Spa está irmandada con:
Clima Editar
| Datos climáticos para Spa | |||||||||||||
|---|---|---|---|---|---|---|---|---|---|---|---|---|---|
| Mes | Xan | Feb | Mar | Abr | Mai | Xuñ | Xul | Ago | Set | Out | Nov | Dec | Anual |
| Media máxima en °C | 4 | 5 | 8 | 12 | 17 | 19 | 21 | 20 | 18 | 13 | 7 | 5 | 12,4 |
| Media mínima en °C | −1 | −2 | 1 | 3 | 7 | 9 | 11 | 11 | 9 | 6 | 2 | −1 | 4,6 |
| Precipitación media mm | 97 | 84 | 79 | 81 | 80 | 99 | 112 | 99 | 84 | 94 | 99 | 109 | 1 117 |
| Fonte: Weatherbase [3] | |||||||||||||
Notas Editar
- ↑ Journal of the History of Medicine and Allied Sciences, George Rosen, Yale University Dept. of the History of Science and Medicine, Project Muse, H. Schuman, 1954
- ↑ A brief history of spa therapy, por A. van Tubergen e S. van der Linden.
- ↑ "Weatherbase: Historical Weather for Spa, Belgium". Weatherbase. 2011. Consultado o 24 de novembro de 2011.
Véxase tamén Editar
Wikimedia Commons ten máis contidos multimedia na categoría: Spa, Bélxica  |