Liexa

cidade belga

Coordenadas: 50°38′N 5°34′L / 50.633, -5.567

Liexa
Liège
Luik
LuikVlag.svg
Blason liege.svg
TE-Collage Liege.png
De arriba a abaixa e de esquerda a dereita: panorámica co río Mosa, o perron de Liexa, a ópera real de Valonia, a estación Liexa-Guillemins, o Mémorial Interallié, o estadio Maurice Dufrasne do equipo Standard de Liège, a ponte de Fragnée, o Hotel da Vila de Liexa e o palacio dos Príncipes-Bispos de Liexa.
Localización
Liexa en Bélxica
Liexa
Liexa
PaísBélxica Bélxica
ComunidadeComunidade francesa de Bélxica
RexiónValonia
ProvinciaLiexa
Xeografía
Superficie69,39 km²
Demografía
Poboación197 355 hab. (2018)
Densidade2844 hab/km²
Outros datos
Código postalLiexa (4000 e 4020)
Glain (4000)
Rocourt (4000)
Bressoux (4020)
Jupille-sur-Meuse (4020)
Wandre (4020)
Grivegnée (4030)
Angleur (4031)
Chênée (4032)
Sclessin (4000)
AlcaldeWilly Demeyer (PS)
Páxina oficial de Liexa

Liexa[1] (en francés: Liège Fr-Liège.ogg [ljɛʒ] , en neerlandés: Luik Nl-Luik.ogg [lœyk] , en alemán: Lüttich [ˈlʏtɪç], en valón: Lîdje)[a] é unha cidade francófona do leste de Bélxica, capital da provincia homónima. É a quinta cidade máis grande do país despois de Bruxelas, Antuerpen, Gante e Charleroi; o terceiro conglomerado despois dos de Bruxelas e Antuerpen; e a terceira cidade francófona tras Bruxelas e Charleroi.[2]

Está situada no val do río Mosa, cerca das fronteiras con Alemaña e os Países Baixos, xunto á desembocadura dun dos seus afluentes, o río Ourthe. Comunícase con Antuerpen mediante o Albertkanaal (canle Alberto) e coa rexión renana mediante o Mosa. Atópase ademais nunha antiga zona industrial, a espiña dorsal industrial de Valonia. O municipio de Liexa inclúe aos antigos asentamentos de Angleur, Bressoux, Chênée, Glain, Grivergné, Jupille-sur-Meuse, Rocourt e Wandre.

De 972 a 1795 foi a capital do principado de Liexa, e durante os séculos viii e xvi sé do bispado de Liexa, herdanza da Civitas Tungrorum romana.

Dende o século xv a cidade experimentou un continuo desenvolvemento económico, e no xix converteríase nun importante centro industrial como consecuencia da explotación das minas de hulla e do seu procesamento. Industria siderúrxica, de transformados metálicos, de construción de maquinaria, armamentística, química, do caucho, do vidro e alimentaria (refinería de azucre). A cidade posúe un dos portos fluviais máis importantes de Europa, tamén posúe un Aeroporto en Bierset. Liexa constitúe o centro cultural dos valóns. A súa universidade fundouse en 1817.

Entre o 4 e o 16 de agosto de 1914 tivo lugar nesta cidade a batalla de Liexa, na que os alemáns conquistarían a praza no seu avance cara París.

Entre 1931 e 1937 estivo situada nesta localidade a Escola de Enxeñería ICAI, logo de que a Compañía de Xesús fora expulsada de España.

Panorámica de Liexa

NotasEditar

  1. Ata 1949 o nome francés da cidade escribíase Liége, con acento agudo en vez de grave.
  1. Segundo Criterios para o uso da lingua, SNL da Universidade da Coruña, así como tamén conforme a forma empregada en Atlas xeográfico e histórico de Galicia e do Mundo, a Diciopedia do século 21 e o Dicionario Galaxia de usos e dificultades da lingua galega.
  2. "Statistics Belgium. Working Paper" (PDF). www.statbel.fgov.be (en neerlandés). 2008. Consultado o 16 de decembro de 2019. 

Véxase taménEditar

Ligazóns externasEditar


 
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.