Societat Catalana d'Estudis Numismàtics
A Societat Catalana d'Estudis Numismàtics -SCEN- (en galego: "Sociedade Catalá de Estudos Numismáticos"), do Institut d'Estudis Catalans ("Instituto de Estudos Cataláns") foi creada en Barcelona en 1979 coa finalidade de estudar as diferentes pólas da historia da moeda, a medalla, o papel moeda, as fichas comerciais, os títulos, obxectos premonetarios e, en xeral, calquera instrumento utilizado para facilitar as operacións comerciais. A SCEN ocúpase tamén da promoción do coñecemento, o estudo e a difusión da numismática e da historia da moeda.[1][2]
| Societat Catalana d'Estudis Numismàtics | |
|---|---|
 Sede da SCEN, común coa do Institut d'Estudis Catalans  | |
| Tipo | sociedade filial do Instituto de estudos cataláns e sociedade científica |
| Campo de traballo | numismática |
| Área de operación | Cataluña |
| Data de fundación | 1979 |
| Presidente/a | Miquel Crusafont i Sabater (-) |
| En | Cataluña |
| País | España |
| Na rede | |
| http://blogs.iec.cat/scen/ | |
| [ editar datos en Wikidata ] | |
Comunidade científica editar
Esta sociedade está composta unicamente por investigadores, xa que é unha condición indispensable para o ingreso ter realizado e publicado algún estudo sobre a materia. Tamén coden formar parte da sociedse outras persoas interesadas, aínda que non como membros senón en condición desocios colaboradores. A SCEN é a única comunidade científica da súa especialidade existente no ámbito catalán, e réxese por uns estatutos e unha xunta directiva, que estivo presidida por personalidades da numismática tan salientables como Leandre Villaronga i Garriga (1979-1996) e Miquel Crusafont i Sabater (desde 1996).[3]
Publicacións editar
A institución publica libros e monografías sobre a súa especialidade. Ata 2015 levou a cabo a edición de 26 de obras monográficas que corresponden ao estudo das moedas catalás desde a antigüidade ata a Idade Moderna. Son de salientar traballos que versan sobre moeda ibérica como é o caso de diversos dracmas ou as moedas de Empuries dos séculos V a IV a. de C., así como outros que se encargan da análise da moeda catalá dos períodos carolinxio e condal, ou do florín catalán xa nos séculos XIV a XV, ou da moeda catalá local dos séculos XIII a XVIII. Tamén se ocupou da publicación de traballos máis xerais, como a compilación dos artigos ata daquela esparexidos de Joaquim Botet i Sisó, ou ben obras que abranguen o estudo sistemático das emisións dunha localidade ou dunha área xeográfica en todas as épocas, do que é exemplo o libro Les monedes de Tarragona. Outros dos investigadores que publicaron obras son Miquel Crusafont, Pere Pau Ripollès, Ian Carradice ou Leandre Villaronga, entre outros.[4]
Con periodicidade anual publícase Acta Numismàtica, revista especializada de arredor de trescentas páxinas cun contido de temática variada, que abrangue desde as moedas da antigüidade ata a moeda contemporáena.[5]
A colección Complements d'Acta Numismàtica inclúe unha xeira de estudos que, con base nos artigos publicados en Acta Numismàtica, afondan neses contidos e achegan importantes novidades ao respecto.[6]
As publicacións de Història monetària catalana son de carácter monográfico e fan a énfase en períodos ou producións relacionados con Cataluña.[7]
A colección Medallistes catalans ten como obxectivo documentar e compilar a obra dos principais medallistes de Cataluña. A colección comeza co estudo do escultor Eusebi Arnau, un dos maiores expoñentes da escultura modernista e figura capital da medallística catalá.[8]
Coa epígrafe de Publicacions singulars, a SCEN agrupa as edicións froito de traballos colectivos, como xornadas, simposios ou reedicións de estudos anteriores e que son unha referencia no campo numismático, entre outros.[9]
Notas editar
- ↑ "Societat Catalana d’Estudis Numismàtics". En Enciclopèdia.cat.
- ↑ "Societat Catalana d'Estudis Numismàtics Arquivado 24 de setembro de 2018 en Wayback Machine.". No sitio web do Instituto de Estudos Cataláns.
- ↑ "Presentació". Societat Catalana d'Estudis Numismàtics.
- ↑ "Publicacions". Societat Catalana d'Estudis Numismàtics.
- ↑ "Acta Numismàtica". Societat Catalana d'Estudis Numismàtics.
- ↑ "Col·lecció «Complements d’Acta Numismàtica»". Societat Catalana d'Estudis Numismàtics.
- ↑ "Història monetària catalana". Societat Catalana d'Estudis Numismàtics.
- ↑ "Col·lecció «Medallistes catalans» Arquivado 04 de novembro de 2018 en Wayback Machine.". Societat Catalana d'Estudis Numismàtics.
- ↑ "Publicacions singulars". Societat Catalana d'Estudis Numismàtics.