Serigne Mbayé
Serigne Mbayé Diouf, nado en Kayar, Thiès, no Senegal, o 8 de marzo de 1975, é un activista social e político español de orixe senegalesa, elixido deputado autonómico de Unidas Podemos na Asemblea de Madrid entre 2021 e 2023. É o Secretario de Antirracismo de Podemos dende o 13 de xuño de 2021.
  | |
| Biografía | |
|---|---|
| Nacemento | (wo) Serigne Mbaye Diouf 8 de marzo de 1975 (49 anos)Kayar, Senegal (en)  |
 Deputado na Asemblea de Madrid | |
Representa: Unidos Podemos 8 de xuño de 2021 – Lexislatura: 12th legislative period of the Asamblea de Madrid (en) Electo en: Eleccións á Asemblea de Madrid de 2021 | |
| Datos persoais | |
| Residencia | Madrid |
| País de nacionalidade | España |
| Actividade | |
| Ocupación | activista social , político |
| Partido político | Unidas Podemos |
| Lingua | Lingua wolof e lingua castelá |
Traxectoria editar
Infancia e mocidade no Senegal editar
Naceu en 1975 en Kayar (Senegal), onde cursou estudos de primaria e secundaria e aprendeu algo de castelán. Do mesmo xeito que o seu avó e o seu pai aprendeu dende pequeno o oficio de pescador, traballo ao que se dedicou tras finalizar os estudos, chegando a ter a súa propia embarcación.[1][2]
A mediados da década de 2000 abandonou a pesca debido á forte competencia dos buques industriais estranxeiros e, ante a falta de alternativas laborais, expúxose a posibilidade de abandonar o seu país e emigrar a España. En 2006, durante unha visita á localidade costeira de Saint Louis, embarcou nunha chalana rumbo a España que finalmente chegaría a Tenerife, onde permaneceu internado catro días nun CIE. Posteriormente Cruz Vermella Española trasladouno a un centro de acollida na Coruña durante unha semana, para posteriormente mudarse a Madrid.[1][2]
Primeiros anos en España editar
Unha vez en Madrid, do mesmo xeito que moitos dos seus compatriotas en situación irregular, dedicouse á venda ilegal de discos musicais na rúa, no que se coñece informalmente en España como top manta. Tres días despois foi detido por primeira vez. En 2008, sen poder legalizar aínda a súa situación, deixou o top manta para dedicarse a outros traballos como coidador ou traballador da construción, ao mesmo tempo que asistiu a centros sociais onde se formou en informática e aprendeu o castelán.[1][2][3]
A finais de 2010, como consecuencia dun control aleatorio de documentación pola policía mentres daba un paseo, descubriu fortuitamente que a súa situación en España regularizárase dous meses antes, feito que non lle foi notificado pola administración.[2]
Unha vez legalizada a súa situación, a comezos de 2011 foi contratado como administrativo nunha empresa onde permaneceu até 2015, cando o seu cuñado lle propuxo unirse como socio a unha cooperativa agroecolóxica para pór en marcha un restaurante de comida vegana.[1][2]
Traxectoria como activista social editar
Tras a súa chegada a Madrid, asociouse á Asociación Sen Papeis, grazas a cuxa axuda puido máis tarde regularizar a súa situación en España. Posteriormente, ao crearse en 2015 o Sindicato de Manteiros, converteuse en voceiro e cara visible deste colectivo ante a opinión pública.[1][3]
En 2018 liderou as protestas producidas por mor da morte do seu compatriota Mame Mbayé, manteiro falecido debido a un infarto de corazón producido tras unha persecución policial no barrio madrileño de Lavapiés. Ese mesmo ano foi elixido pregoeiro das festas do barrio de Lavapiés, xunto á actriz Rossy de Palma, denunciando no seu discurso o que el consideraba que era racismo institucional contra os inmigrantes.[4]
En marzo de 2021 aceptou a invitación de Pablo Iglesias para formar parte, como independente, das listas de Unidas Podemos para as eleccións á Asemblea de Madrid de 2021.[5]
Notas editar
- ↑ 1,0 1,1 1,2 1,3 1,4 Remacha, Belén (03/09/2019). "Serigne Mbayé, el pescador que sobrevivió al mar y a la manta". elDiario.es. Consultado o 16/04/2021.
- ↑ 2,0 2,1 2,2 2,3 2,4 Recio, Enrique (30/03/2021). "Su señoría 'el mantero Serigne Mbayé': de su puesto en Sol al puesto en la lista de Pablo Iglesias". El Español. Consultado o 16/04/2021.
- ↑ 3,0 3,1 Chouza, Paula (01/04/2021). "Serigne Mbayé: “Madrid es muy racista”". El País. Consultado o 16/04/2021.
- ↑ Redacción (31/03/2021). "Pablo Iglesias ficha al portavoz del Sindicato de Manteros para las elecciones de Madrid". ABC. Consultado o 16/04/2021.
- ↑ Aísa Gasca, Teresa (29/03/2021). "Iglesias ficha al portavoz del Sindicato de Manteros, Serigne Mbayé". Madrid Diario. Consultado o 16/04/2021.