Santpedor

Santpedor é un municipio catalán da provincia de Barcelona. Forma parte da comarca do Bages, limitando polo sur coa súa capital, Manresa.

Santpedor

Brasón
Localización
41°47′01″N 1°50′21″L
Estado	España
Comunidade autónoma	Cataluña
Provincia	provincia de Barcelona
Comarca	Bages
Capital	Santpedor (en)
Poboación
Poboación	7.693 (2023) (463,43 hab./km²)
Número de fogares	118 (1553)
Lingua oficial	lingua catalá
Xeografía
Parte de	Q107554290 Q107554306
Superficie	16,6 km²
Bañado por	Sèquia de Manresa (en)
Altitude	336 m
Comparte fronteira con	Castellnou de Bages Sant Joan de Vilatorrada Sant Fruitós de Bages Sallent Callús
Organización política
• Alcalde	Agustí Comas (pt) (2023–)
Identificador descritivo
Código postal	08251
Fuso horario	UTC+01:00
Código INE	08192
Código territorial IDESCAT	081923
Páxina web	santpedor.cat

Historia

O nome deriva da construción da igrexa de Sant Pere ao lugar coñecido antigamente polo lugar de Or, denominándose Sant Pere d'Or. Deste nome provén a contracción Santpedor. A documentación escrita máis antiga que fai referencia ao lugar de Or é do ano 937 e a igrexa está documentada desde o 996. En 1082, Ramón Berenguer II cedeu a metade das súas terras ao mosteiro de Sant Benet de Bages.

Portada da igrexa de Sant Pere d'Or

Nos séculos seguintes, XI a XIII, Santpedor experimenta un crecemento progresivo que culmina durante a primeira metade do século XIV ata que a peste negra castigou duramente a poboación o ano 1348. Deste período restan valiosas testemuñas arquitectónicas. Durante este período, Santpedor foi vila real, é dicir, que non dependía de ningún señor feudal, senón directamente da coroa.

O rei Pedro o Ceremonioso vendeu Santpedor a un nobre chamado Francesc de Perellós, pero os santpedorencs conseguiron reunir 5.000 florines de ouro para recuperar os dereitos sobre o municipio e devolvelo á protección real. O ano 1400, o rei Martiño o Humano premiaría este esforzo outorgando a vila o título de "rúa de Barcelona". Santpedor tiña o privilexio de enviar representantes ás cortes catalás.

A pesar de que a agricultura continuou sendo a principal actividade económica do pobo entre os séculos XVI e XVIII, desenvolvéronse algunhas actividades ligadas á manufactura que tiveron certa significación na economía local como a dos paraires, que traballaban a la, e a produción de augardente, que ata se exportaba noutras comarcas. Santpedor foi durando moitos séculos a segunda poboación do Bages e tivo fortes rivalidades con Manresa.

Santpedor participou activamente na Guerra da Independencia española (1808-1814). A memoria popular fala da lenda da intervención do mozo Isidre Lluçà i Casanoves, coñecido como o timbaler del Bruc, no primeiro combate do Bruc, o 6 de xuño de 1808.

Logo da guerra houbo unha forte regresión económica agravada pola competencia das novas industrias que ían crecendo ao redor dos ríos Llobregat e Cardener, posto que en Santpedor aínda se tecía a man. As tres Guerras Carlistas e a praga de filoxera que arrasou as viñas pecharon o século XIX non moi afortunado para o pobo.

A recuperación chegou ao primeiro cuarto do século XX coa chegada do ferrocarril (1884), a creación da Cooperativa Agrícola (1905), a chegada da electricidade (1911) e a portada da auga (1932). Como o resto de Cataluña, o crecemento estancouse coa Guerra Civil.

O téxtil foi practicamente a única industria que subsistiu ata que tamén entrou en crise na década de 1960, provocando que xurdiran outras actividades, que como no resto da comarca, comportou a chegada de numerosas familias procedentes doutras comunidades do estado, atraídas polas posibilidades de traballo.

Demografía

O concello tiña, segundo cifras do INE, 7.185 habitantes en 2011 repartidos en tres núcleos de poboación: Santpedor, el Mirador de Montserrat e el Serrat de Castellnou.

Evolución demográfica

1900	1930	1950	1981	2000	2011
1.885	1.918	1.797	3.424	5.352	7.185

Lugares de interese

Ermida de Sant Francesc

• Ermida de Sant Francesc
• Museu L'Ermitanet
• Mas Llussà, antiga masía do século XIV.

Festividades

• Festa Maior, a segunda semana de xuño.
• Feira de Sant Miquel, os días 2 e 3 de outubro.

Véxase tamén

Ligazóns externas

• Sitio web do concello (en catalán)
• Información da Generalitat de Catalunya (en catalán)
• Ficha no sitio web do Consell Comarcal (en catalán)