Robertas Javtokas
Robertas Javtokas, nado o 20 de marzo de 1980 en Šiauliai, é un ex xogador profesional lituano de baloncesto. Con 2,11 metros de estatura xogaba na posición de pivote.
| |
| Información persoal | |
|---|---|
| Nacemento | 20 de marzo de 1980 (43 anos) Šiauliai
|
| Nacionalidade | Lituania
|
| Altura | 2,11 m (6 ft 11 in) |
| Peso oficial | 122 kg (270 lb) |
| Posición | Pivote |
| Información da carreira | |
| Universidade | Arizona (1999–2000) |
| NBA Draft | 2001 / Rolda: 2 / Elección: 55 Por San Antonio Spurs |
| Carreira | 2000–2017 |
| Historial de equipos | |
| Lietuvos rytas (2000–2006) Panathinaikos (2006–2007) Dynamo Moscova (2007–2009) Khimki (2009–2010) Valencia (2010–2011) Žalgiris (2011–2017) | |
Traxectoria profesionalEditar
No ano 2000, Javtokas fichou polo Lietuvos rytas e converteuse axiña no mellor pivote da liga lituana. Co Rytas gañou a liga en 2000, 2002 e 2006, e a Copa ULEB en 2005, na que foi nomeado mellor xogador do torneo. Coa súa axuda, o Rytas debutou na Euroliga en 2006.
Para a tempada 2006-07, Javtokas uniuse ó Panathinaikos BC, onde conquistou a tripla coroa tras gañar a liga grega, a copa grega e a Euroliga. O 24 de xuño de 2007, asinou un contrato de dous anos co Dynamo Moscova ruso. En 2009, asinou co BC Khimki ruso.[1] O 15 de xullo de 2010, chegou á Liga ACB tras asinar un contrato de dous anos co Valencia Basket.[2]
En xuño de 2011, Javtokas volveu a Lituania tras asinar por tres anos co Žalgiris Kaunas.[3]
O 8 de xuño de 2017, Javtokas anunciou a súa retirada coma xogador profesional.[4] O día seguinte, disputou o derradeiro encontro da súa traxectoria profesional.[5]
NotasEditar
- ↑ BCKhimki.ru Khimki Adds Javtokas (en ruso).
- ↑ Power Electronics signs Javtokas.
- ↑ ZALGIRIS brings Javtokas back to Lithuania
- ↑ Lithuanian legend Javtokas finishes professional career
- ↑ "Paskutinio pasirodymo metu ašaras tramdęs Javtokas: "Trūko nedaug"". BasketNews.lt (en lituano). Consultado o 9 de xuño de 2017.