República Autónoma do Epiro do Norte
A República Autónoma do Epiro do Norte (en grego: Αὐτόνομος Δημοκρατία τῆς Βορείου Ἠπείρου; Aftónomos Dimokratía tis Voreíou Ipeírou) foi unha entidade política autogobernada de curta duración. Foi fundada a raíz das guerras dos Balcáns o 28 de febreiro de 1914 polos gregos que vivían no sur de Albania.
| República Autónoma do Epiro do Norte Αὐτόνομος Δημοκρατία τῆς Βορείου Ἠπείρου (grego) | |||||
| |||||
| |||||
| Himno: Imnos is tin Eleftherian | |||||
 | |||||
| Capital | Argyrokastron | ||||
| Lingua | Grego (oficial) Albanés (segunda lingua)[1] | ||||
| Relixión | Igrexa ortodoxa | ||||
| Goberno | República | ||||
| Presidente | |||||
| • 1914 | Georgios Christakis-Zografos | ||||
| Historia | |||||
| • Establecido | 1914 | ||||
| • Disolución | 1914 | ||||
A área, coñecida como Epiro do Norte (en grego: Βόρειος Ήπειρος) polos gregos e cunha substancial poboación grega, foi conquistada polo exército grego ao Imperio Otomán durante a primeira guerra balcánica (1912–1913). Porén, o Protocolo de Florencia asigou ese territorio ao estado albanés acabado de crear. Esta decisión foi rexeitada polos gregos locais, e cando o exército grego se retirou á nova fronteira, estabeleceuse un goberno autónomo en Argyrokastron (en grego: Αργυρόκαστρον, hoxe Gjirokastër), baixo o liderado de Georgios Christakis-Zografos, un distinguido grego local e exministro de Relacións Exteriores, e co apoio tácito de Grecia.[2]
En maio, as grandes potencias confirmaron a autonomía co Protocolo de Corfú. O acordo aseguraba que a rexión tería a súa propia administración, recoñecía os dereitos da poboación local e prevía o autogoberno baixo a soberanía nominal albanesa. Porén, nunca se implementou porque en agosto o goberno albanés colapsou. O exército grego volveu ocupar a área en outubro de 1914 despois de estoupar a primeira guerra mundial. Planeouse que o Epiro do Norte sería cedido a Grecia despois da guerra, mais a retirada do apoio italiano e a derrota de Grecia na Campaña de Asia Menor deron como resultado a cesión a Albania en novembro de 1921.[3]
Notas Editar
Véxase tamén Editar
Bibliografía Editar
- Boeckh, Katrin (1996). Von den Balkankriegen zum Ersten Weltkrieg: Kleinstaatenpolitik und ethnische Selbstbestimmung auf dem Balkan (en alemán). Oldenbourg Wissenschaftsverlag. p. 418. ISBN 978-3-486-56173-9.
- Chase, George H. (2007) [1943]. Greece of Tomorrow. READ BOOKS. ISBN 978-1-4067-0758-8.
- Glenny, Misha (1999). The Balkans: Nationalism, War, and the Great Powers, 1804–1999. Viking. ISBN 978-0-670-85338-0.
The Balkans: Nationalism, War, and the Great Powers, 1804-1999.
- Guy, Nicola (2007). "The Albanian Question in British Policy and the Italian Intervention, August 1914 – April 1915.". Diplomacy & Statecraft (Diplomacy & Statecraft, Volume 18, Issue 1) 18: 109–131. doi:10.1080/09592290601163035.
- Kondis, Basil (1976). Greece and Albania, 1908–1914. Thessaloniki: Institute for Balkan Studies.
- Kitromilides, Paschalis (2008). Eleftherios Venizelos: The Trials of Statesmanship. Edinburgh University Press. ISBN 978-0-7486-3364-7.
- Miller, William (1966). The Ottoman Empire and Its Successors, 1801–1927. Routledge. ISBN 978-0-7146-1974-3.
- Ruches, Pyrrhus J. (1965). Albania's captives. Chicago: Argonaut.
- Schurman, Jacob Gould (1916). "The Balkan Wars: 1912–1913". Project Gutenberg.
- Stickney, Edith Pierpont (1926). Southern Albania or Northern Epirus in European International Affairs, 1912–1923. Stanford University Press. ISBN 978-0-8047-6171-0.
- Valeria Heuberger; Arnold Suppan; Elisabeth Vyslonzil (1996). Brennpunkt Osteuropa: Minderheiten im Kreuzfeuer des Nationalismus (en alemán). Oldenbourg Wissenschaftsverlag. ISBN 978-3-486-56182-1.
- Winnifrith, Tom (2002). Badlands-borderlands: a history of Northern Epirus/Southern Albania. Londres: Duckworth. ISBN 0-7156-3201-9.
Ligazóns externas Editar
- Documents Officiel concernant l'Epire du Nord, 1912–1935. Arquivado 31 de marzo de 2012 en Wayback Machine. Biblioteca dixital do Parlamento de Grecia. (en francés)