Reinhart Heinsdorff
Reinhart Heinsdorff, nado en Rimsting, Baviera, o 22 de setembro de 1923, e finado en Ottmaring, Friedberg, Baviera, o 26 de marzo de 2002, foi un artista gráfico, medallista e deseñador alemán, coñecido por ser o creador dos anversos nacionais das moedas de 10, de 20 e de 50 céntimos de euro alemás.
| Reinhart Heinsdorff | |
|---|---|
| Nacemento | 22 de setembro de 1923 |
| Rimsting | |
| Falecemento | 26 de marzo de 2002 |
| Friedberg | |
| Área | Medallística e deseño (moedas, selos etc.). |
| Educación | Escola de Belas Artes de Múnic. |
| Obras | Anversos nacionais das moedas de 10, de 20 e 50 céntimos de euro alemás. |
| Nacionalidade | Alemán |
| [ editar datos en Wikidata ] | |
Traxectoria editar
Entre 1947 e 1952, Reinhart Heinstorff cursou estudos superiores artísticos na Academia de Belas Artes de Múnic, na especialidade de Pintura, con Hermann Kaspar. De 1953 a 1956 continuou estudos de Deseño Gráfico na Escola Superior de Impresión Gráfica con Eduard Ege.[1][2]
A partir de 1956 comezou a traballar como pintor e deseñador independente. De 1986 a 1991 foi profesor de deseño de moeda e medalla na Academia de Belas Artes de Múnic.[1][2]
En 1988, foi un dos fundadores do Círculo de Artistas da Medalla de Múnic, xunto coa conservadora xefa da Colección Estatal de Moedas de Múnic, Ingrid Szeiklies-Weber.[3]
Obra editar
Entre as súas creacións hai medallas, pinturas, esculturas, murais, cartelaría, gráfica comercial e deseño de obxectos.[4] Parte do seu patrimonio artístico consérvase no museo do castelo de Wittelsbach.[2][5]
Heinstorff creou tamén unha gran cantidade de selos postais para a República Federal Alemá,[6] durante a década de 1960, xunto co seu mestre Eduard Ege. A el débenselle tamén os deseños do selo utilizado polos Ferrocarrís Federais de Alemaña ata 1993.[7]
A partir de 1968 comezou co deseño de moedas circulantes e conmemorativas do sistema do marco alemán, con valores faciais de 2, de 5 e de 10 marcos. Heinstorff participou nun total de 56 concursos de deseño, a partir dos cales executou 15 moedas.[8] Entre elas, destaca a primeira moeda de dous marcos da serie de políticos alemáns, coa imaxe de Konrad Adenauer, que se cuñou entre 1969 e 1987.[9]
Coa entrada de alemaña na Eurozona e a conseguinte asunción do euro como moeda oficial do país, en 1998 Heinstorff gañou tamén o concurso para o deseño do anverso nacional das moedas de 10, de 20 e de 50 céntimos de euro, cuñadas a partir de 2002, caracterizado por unha representación da Porta de Brandeburgo.[8][9][10]
Escolma de traballos editar
Moedas do marco alemán editar
-
-
5 marcos (1968). F. W. Raiffeisen. -
-
-
-
10 marcos (1996). Kolpingwerk.
Selos postais editar
-
-
5 marcos (1960). F. W. Raiffeisen. -
Xogos Olímpicos (1960) -
Mensaxeiro (1961) -
-
,_Olympisches_Jahr_1960,_10_Pf.jpg)
,_Olympisches_Jahr_1960,_20_Pf.jpg)
Notas editar
- ↑ 1,0 1,1 Steguweit, W. (2014). Páxina 6.
- ↑ 2,0 2,1 2,2 "Information about Reinhart Heinsdorff". OnlineCoin.Club
- ↑ "Der Künstlerkreis der Medailleure München". Staatliche Münzsammlung München.
- ↑ "Reinhart Heinsdorff, 1923-2002". Pmayermue.de
- ↑ Steguweit, W. (2014). Páxina 9 (nota 2).
- ↑ Selos postais deseñados por Heinsdorff. Colnect.com
- ↑ Steguweit, W. (2014). Páxinas 6-7.
- ↑ 8,0 8,1 Steguweit, W. (2014). Páxina 7.
- ↑ 9,0 9,1 Moedas deseñadas por Heinstorff. Numista.com
- ↑ "Germany. Euro and cent coins" Deutsche Bundesbank. Eurosystem.
Véxase tamén editar
Bibliografía editar
- Steguweit, W. (2014). "Reinhart Heinsdorff (22. September 1923 Rimsting/Chiemsee – 26. März 2002 Ottmaring/Friedberg)". En Numismatisches Nachrichtenblatt. Deutschen Numismatischen Gesellschaft. 1/2014. Páxinas 6-9.