Ratisbona

Ratisbona
	Regensburg (de)
Epónimo	Rio Regen (pt)
Localización
	49°01′N 12°05′L / 49.02, 12.08
Estado	Alemaña
Estado federado	Baviera
Distrito rexional	Alto Palatinado
Capital de	Alto Palatinado ; Regensburg (pt)
Contén a división administrativa	Brandlberg-Keilberg ; Burgweinting-Harting ; Galgenberg ; Großprüfening-Dechbetten-Königswiesen ; Kasernenviertel (en) ; Konradsiedlung-Wutzlhofen ; Kumpfmühl-Ziegetsdorf-Neuprüll ; Ober-/Niederwinzer-Kager (en) ; Oberisling-Leoprechting-Graß ; Ostenviertel (en) ; Q2554913 ; Reinhausen (en) ; Sallern-Gallingkofen ; Schwabelweis ; Stadtamhof (en) ; Steinweg-Pfaffenstein ; Westenviertel (en)
Poboación
Poboación	157.443 (2022) (1.947,35 hab./km²)
Número de fogares	60.905 (1987)
Xeografía
Parte de	Stimmkreis Regensburg-Stadt (en)
Superficie	80,85 km²
Bañado por	Río Danubio, Naab, Rio Regen (pt) e Q1375336
Altitude	346 m
Comparte fronteira con	Regensburg (pt) ; Q854173 (–1929)
Datos históricos
Precedido por	Castra Regina (pt)
Organización política
• Xefe do goberno	Gertrud Maltz-Schwarzfischer (en) (2020–)
Membro de	Organización das Cidades do Patrimonio Mundial ; Working Group of Bicycle-Friendly Municipalities in Bavaria (en) ; Bayerischer Städtetag (pt) ; Aliança Climática (pt) (1993–); Alcaldes pola Paz (2015–)
Identificador descritivo
Código postal	93047, 93049, 93051, 93053, 93055 e 93057
Fuso horario	UTC+01:00, horario estándar; UTC+02:00, horario de verán
Prefixo telefónico	0941
Código NUTS	DE232
Clave de rexión en Alemaña	093620000000
Número de municipio alemán	09362000
Outro
Irmandado con	Aberdeen (1955–); Brixen (pt) (1969–); Clermont-Ferrand (1969–); Tempe (pt) (1978–); Odesa (1990–); Plzeň (1993–); Budapest District I (en) (2005–); Qingdao (2009–)
Páxina web	regensburg.de

Ratisbona^[1] (en alemán: Regensburg, en bávaro Rengschburg) é unha cidade alemá, situada no Land de Baviera. A cidade está na confluencia entre os ríos Danubio e Regen e é a capital tanto do distrito do Alto Palatinado (Oberpfalz en alemán) como do Landkreis de Regensburg.

A cidade, con 157.443 habitantes (2022) é, despois de Múnic, Nuremberg e Augsbourg, a cuarta maior cidade de Baviera. Desde o 13 de xullo de 2006, a cidade vella de Ratisbona forma parte da Patrimonio da Humanidade da UNESCO. É sede dun bispado católico. Ratisbona está situada a 88 km de Nuremberg e a 103 km de Múnic.

Clima

Ratisbona ten clima continental. Os meses máis cálidos son xuño e agosto con medias de temperaturas que oscilan de 16,2 °C a 18 °C. Os meses máis fríos corresponden a decembro e febreiro con -0,9 °C e -2,7 °C como medias respectivas. Aos meses de xuño e agosto corresponden as precipitacións máis baixas con 74 e 93 mm; marzo e novembro son os meses máis chuviosos, con 33 e 39 mm.

Historia

Praza Neupfarr (Neupfarrplatz), Ratisbona, coa catedral no fondo.

Sobre un asentamento céltico (Ratisbona), os romanos fundaron no 179 d.C. un campamento nas beiras do río Regen, ao que denominaron Castro Regina (é dicir, castro sobre o río Regen). As fontes francas confirman a asistencia de bispos de Galiza ao sínodo de Ratisbona no ano 782. Durante a época merovinxia, a cidade foi residencia dos duques de Baviera. Acadaría o seu cénit político e económico nos séculos XII e XIII, por atoparse nunha encrucillada de camiños centroeuropeos importantes. Dese período datan os grande monumentos da cidade, como a Steinerne Brücke (unha ponte de pedra de 310 m de longo, sobre o Danubio, erguido entre 1135 e 1146), a catedral gótica (consagrada en 1276), a Altes Rathaus (Antiga Casa do Concello).

En 1245 o emperador Frederico II concedeu a Ratisbona o rango de Cidade Libre Imperial ("Freie Reichsstadt"), o que lle confería certa autonomía política. Nos séculos seguintes, a importancia da cidade revélase no feito de ter sido numerosas veces, sede das reunións da Dieta imperial (Reichstage). Así na celebrada en 1541, tentouse buscar un acordo entre reformados e católicos; a ela asistiran Felipe Melanchton e Bucero. No ano seguinte, Ratisbona uniuse oficialmente á Igrexa reformada, aínda que subsistiu o bispado católico. En 1663 converteuse na sede permanente da Dieta.

O feito de non estar apenas industrializada durante a segunda guerra mundial, librouna de grandes bombardeos aliados que si afectaron a outras cidades aínda que si que foi bombardeada en dúas ocasións, conservando case intacta a zona antiga medieval. A maior perda destes bombardeos foi a igrexa románica de Obermünster que nunca foi reconstruída. Ademais a recuperación económica non foi visible ata finais dos 60 e daquela escolleuse preservar os edificios antigos e non construír novos no seu lugar.