Río Avia

Río Avia
Tipo	río
Inicio
Altitude inicial	880 m
División administrativa	Galicia, España
Localización	Serra do Suído
Final
División administrativa	Galicia, España
Localización	río Miño
	42°27′18″N 8°16′29″O / 42.4549, -8.2747; B 42°16′48″N 8°08′34″O / 42.2799, -8.1427
Afluentes	Río Arenteiro, río Viñao
Conca hidrográfica	conca do Miño
Características
Dimensións	37 () km ;
Superficie da cunca hidrográfica	643 km²

O río Avia é un afluente do río Miño pola súa banda dereita.

Descrición

Nace na serra do Suído a 880 msnm, no lugar de Fonte Avia, pertencente á parroquia de Nieva, no concello de Avión.

Segue unha dirección suroeste-nordeste até chegar ao encoro de Albarellos, entre os concellos de Leiro, Boborás e Avión. Despois do encoro segue até Boborás, vira cara ao sueste, desde Leiro, fai fronteira entre Cenlle e Leiro até Ribadavia, lugar onde desemboca tras percorrer un total de 36,7 Km.

En Albarellos, Boborás, atópase o encoro de Albarellos, concedido en explotación a Gas Natural Fenosa. Ten unha capacidade total de 90,73 Hm³. É empregado para a produción de electricidade.^[1]

Toponimia

Avia (e o seu diminutivo río Avión) procede da raíz indoeuropea celta av- ou au-, fonte, corrente de auga. Comparte orixe co río Ave (chamado Avo na época da Gallaecia, hoxe Ave, ao norte do Porto) e con outro ríos franceses, españois e italianos.^[2]