Quentin Maceiras
Quentin Maceiras, nado en Sion, Suíza, o 10 de outubro de 1995, é un futbolista suízo, de orixe galega. Xoga de defensa no Young Boys da Super Liga suíza.
| Maceiras | |||
|---|---|---|---|
| Información persoal | |||
| Nome | Quentin Maceiras | ||
| Nacemento | 10 de outubro de 1995 | ||
| Lugar de nacemento | Sion | ||
| Altura | 1,81 m. | ||
| Posición | Defensa | ||
| Información de club | |||
| Club actual | Young Boys | ||
| Número | 24 | ||
| Carreira xuvenil | |||
| –2013 | FC Sion | ||
| Carreira sénior | |||
| Anos | Equipos | Aprs | (Gls) |
| 2013–2014 | FC Sierre | 22 | (1) |
| 2014–2016 | FC Naters | 39 | (1) |
| 2016–2019 | FC Sion II | 38 | (0) |
| 2016–2020 | FC Sion | 84 | (2) |
| 2020– | Young Boys | 33 | (1) |
|
Partidos e goles só en liga doméstica. Club: actualizado a 3 de xaneiro de 2022. [ editar datos en Wikidata ] | |||
Traxectoria editar
Orixe editar
Nacido na localidade suíza de Sion, no cantón de Valais, é neto de emigrantes galegos. Seus avós paternos, José María e Mercedes, son naturais de Muros e Santiago de Compostela.[1] Afeccionado do Deportivo da Coruña, do mesmo xeito que a súa familia, durante a súa infancia acudía habitualmente nos veráns á Cidade Deportiva de Abegondo para ver adestrar os xogadores do club herculino.[1]
Inicios no fútbol editar
Formouse na canteira do FC Sion, e tras militar nos modestos Sierre e Naters, regresou ao Sion para xogar no seu filial.
FC Sion editar
O 25 de maio de 2016 debutou co primeiro equipo do Sion na Super Liga, nun partido contra o FC Luzern no Swissporarena, onde substituíu nos minutos finais a Léo Itaperuna.[2] Na seguinte tempada continuou compaxinando os partidos do filial coas convocatorias do primeiro equipo, e marcou o seu primeiro gol como profesional, na derradeira xornada da tempada contra o Grasshopper de Zürich no Stade Tourbillon.[3] Tras xogar xa 21 partidos na tempada 2017/18, subiu definitivamente ao primeiro equipo na seguinte campaña, na que disputou 30 partidos da Superliga, os mesmos que na 2019/20.
Young Boys editar
O 8 de agosto de 2020 fíxose oficial a súa fichaxe polo BSC Young Boys, campión da Super Liga na tempada anterior,[4] e adestrado polo tamén descendente de galegos, Gerardo Seoane. Debutou o 26 de agosto, nun partido da segunda rolda clasificatoria para a Liga de Campións ante o KÍ das Illas Feroe, no cal saíu de titular, gañando o seu equipo por 3-1. Con todo, o equipo acabou eliminado no partido de volta, polo que só puido acceder á Europa League, onde foi eliminado nos oitavos de final polo Ajax. Na Super Liga, o equipo de Berna proclamouse campión con 31 puntos de vantaxe sobre o Basel.
Na tempada 2021/22 o Young Boys conseguiu acceder á Liga de Campións, despois de derrotar na fase previa ao Slovan Bratislava, o Cluj e o Ferencvárosi. Quentin Maceiras debutou na máxima competición continental na derrota pola mínima da segunda xornada contra o Atalanta no estadio Atleti Azzurri d'Italia de Bérgamo, entrando nos minutos finais como substituto de Silvan Hefti.[5]
Palmarés editar
- Young Boys
- Super Liga (1): 2020/21.
Notas editar
- ↑ 1,0 1,1 Miranda, Carlos (27 de agosto de 2021). "Quentin Maceiras, deportivista de Champions" (en castelán). Consultado o 3 de xaneiro de 2022.
- ↑ "FC Luzern - FC Sion 2016". Transfermarkt (en castelán). Consultado o 3 de xaneiro de 2022.
- ↑ "FC Sion - Grasshopper 2017". Transfermarkt (en inglés). Consultado o 3 de xaneiro de 2022.
- ↑ "Quentin Maceiras wechselt zu YB". BSC Young Boys (en alemán). 11 de agosto de 2020. Consultado o 3 de xaneiro de 2022.
- ↑ "Pessina deshincha el globo del Young Boys". Sport (en castelán). 29 de setembro de 2021. Consultado o 3 de xaneiro de 2022.
Véxase tamén editar
Ligazóns externas editar
- Datos do xogador en Transfermarkt (en inglés).
- Datos do xogador en Soccerway (en inglés).