Primeiro ministro de Eslovenia

O primeiro ministro de Eslovenia, oficialmente presidente do Goberno da República de Eslovenia (en esloveno: 'Predsednik Vlade Republike Slovenije'), é o xefe de goberno de Eslovenia.

Estandarte do Presidente do Goberno da República de Eslovenia
Titular Robert Golob Dende o 25 de maio de 2022
Designado por	Asemblea Nacional
Nomeado por	Presidente de Eslovenia
Creación	31 de outubro de 1918 como primeiro ministro do Reino dos Serbios, Croatas e Eslovenos 16 de maio de 1990 como Presidente do Goberno da República Eslovena
Primeiro titular	Josip Pogačnik como primeiro ministro do Reino dos Serbios, Croatas e Eslovenos Lojze Peterle como Presidente do Goberno da República Eslovena

Houbo novo primeiros ministros dende que o país se converteu nun sistema parlamentario en 1989 e se independizou en 1991.

O primeiro ministro é nomeado polo presidente logo de consultar cos partidos representados na Asemblea Nacional. É elixido formalmente por maioría simple da Asemblea Nacional. Se ningún candidato recibe maioría, deberase realizar un novo voto antes de 14 días. Se ningún candidato recibe maioría tras esta rolda, o presidente deberá disolver a lexislatura e convocar novas eleccións parlamentarias a non ser que a Asemblea Nacional acepte celebrar unha terceira rolda. Se ningún candidato é elixido despois dunha terceira rolda, a lexislatura disólvese automaticamente á espera de novas eleccións.

Na práctica, dado que o primeiro ministro debe comandar unha maioría da Asemblea Nacional para gobernar, acostuma a ser o líder do partido maioritario na Asemblea Nacional ou o líder do socio maior na coalición de goberno. A Asemblea Nacional só pode retirar o seu apoio a un primeiro ministro mediante unha moción de censura construtiva, é dicir, unha moción de censura que non ten efecto sen que o futuro sucesor teña o apoio dunha maioría da cámara. O primeiro ministro é tamén presidente do Consello de Seguridade Nacional.

Elección

O primeiro ministro é elixido pola Asemblea Nacional de Eslovenia.

Primeira rolda

Despois das eleccións parlamentarias, a nova Asemblea Nacional reúnese na sesión constitutiva (normalmente ao redor de 2-3 semanas despois das eleccións), logo de que se formen os novos grupos parlamentarios. Despois de que se formen todos os grupos (normalmente dentro duns poucos días), o presidente da República reúnese cos líderes dos grupos para consultas. Durante as consultas, o presidente da República tenta identificar a un candidato que poida obter unha maioría absoluta na Asemblea Nacional (46 votos). Despois das consultas, o presidente da República pode propoñer oficialmente un candidato ao presidente da Asemblea Nacional, isto debe realizarse dentro dos 30 días posteriores á sesión constitutiva. A asemblea debe votar o candidato en 7 días, pero non antes das 48 horas tras a proposta. O candidato ten que presentar o seu proxecto de goberno ante a Asemblea Nacional antes da votación. Cando o primeiro ministro é elixido, comeza a formación dun novo goberno.

Segunda rolda

Se non sae elixido primeiro ministro, terá lugar a segunda rolda. Despois de novas consultas, o presidente da República pode propor un novo candidato ou o mesmo candidato de novo dentro dos 14 días seguintes á votación da primeira rolda. Na segunda rolda os grupos parlamentarios tamén poden propoñer un candidato. Se hai máis dun candidatos proposto, a Asemblea Nacional votará primeiro ao candidato proposto polo presidente da República, e só se ese candidato non é elixido a Asemblea votará os outros candidatos na orde de presentación das propostas. Precísase maioría absoluta para ser elixido primeiro ministro (46 votos). Se o primeiro ministro é elixido, comeza a formación dun novo goberno.

Se a Asemblea Nacional volve a fallar ao elixir primeiro ministro, o presidente da República disolverá a Asemblea Nacional e convocará eleccións rápidas, a menos que a Asemblea Nacional decida, dentro das 48 horas seguintes á votación, celebrar unha terceira rolda de eleccións.

Terceira rolda

Na terceira rolda o primeiro ministro é elixido por maioría relativa (maioría dos deputados presentes). Na Asemblea Nacional da terceira rolda vótase por todos os candidatos da primeira e segunda volta, e se ningún dos candidatos recibe maioría de votos, entón vótanse novas propostas, comezando pola proposta do presidente da República e logo os demais na orde de presentación das candidaturas. Se o primeiro ministro é elixido, comeza a formación dun novo goberno, se non, o presidente disolve a Asemblea Nacional e teñen lugar as eleccións rápidas.

Xuramento do cargo

O primeiro ministro toma oficialmente posesión despois de que todos os seus ministros fagan o xuramento do cargo ante a Asemblea Nacional, logo da elección do goberno con maioría relativa na Asemblea Nacional. O primeiro ministro xura o cargo despois da súa elección.

O primeiro ministro e os ministros prestan o mesmo xuramento segundo o artigo 104 da Constitución: "Xuro que vou cumprir a orde constitucional, que actuarei segundo a miña conciencia e que farei todo o que poida para o ben de Eslovenia".

Lista de primeiros ministros de Eslovenia

Reino dos Serbios, Croatas e Eslovenos

Partidos

Conservadores:

•       SLS

Nº	Foto	Nome	Mandato			Partido político	Rei do Reino dos Serbios, Croatas e Eslovenos
			Inicio	Fin	Días
1		Jožef Pogačnik (1866–1932)	31 de outubro de 1918	20 de xaneiro de 1919	81	Partido Popular Esloveno (SLS)	Pedro I (1 de decembro de 1918–16 de agosto de 1921)

República Socialista de Eslovenia

Partidos

•       KPS/ZKS
•       SDP

Nº	Nome	Foto	Mandato		Partido político
Primeiros ministros 1945–1953
1	Boris Kidrič (1912–1953)		5 de maio de 1945	Xuño de 1946	Partido Comunista de Eslovenia
2	Miha Marinko (1900–1983)		Xuño de 1946	1953	Partido Comunista de Eslovenia renomeado en 1952 como Liga dos Comunistas de Eslovenia
	Presidentes do Consello Executivo 1953–1991
	Miha Marinko (1900–1983)		1953	15 de decembro de 1953	Liga dos Comunistas de Eslovenia
3	Boris Kraigher (1914–1967)		15 de decembro de 1953	25 de xuño de 1962	Liga dos Comunistas de Eslovenia
4	Viktor Avbelj (1914–1993)		25 de xuño de 1962	1965	Liga dos Comunistas de Eslovenia
5	Janko Smole (1921–2010)		1965	1967	Liga dos Comunistas de Eslovenia
6	Stane Kavčič (1919–1987)		1967	27 de novembro de 1972	Liga dos Comunistas de Eslovenia
7	Andrej Marinc (1930-)		27 de novembro de 1972	Abril de 1978	Liga dos Comunistas de Eslovenia
8	Anton Vratuša (1915–2017)		Abril de 1978	Xullo de 1980	Liga dos Comunistas de Eslovenia
9	Janez Zemljarič (1928-)		Xullo de 1980	23 de maio de 1984	Liga dos Comunistas de Eslovenia
10	Dušan Šinigoj (1933-)		23 de maio de 1984	16 de maio de 1990	Liga dos Comunistas de Eslovenia
(10)					Partido de Renovación Democrática

República de Eslovenia

Partidos

Demócratas cristiáns:

•       SKD
•       SLS
•       NSi

Liberais:

•       LDS
•       PS
•       ZaAB (agora SAB)
•       SMC
•       LMŠ

Conservadores:

•       SDS

Socialdemócratas:

•       SD

Nº	Primeiro Ministro			Mandato			Goberno	Presidente da República
	Partido político			Inicio	Fin	Tempo no cargo	Coalición
1		Lojze Peterle (1948-)		16 de maio de 1990	14 de maio de 1992	729 días	I	Milán Kučun 8 de outubro de 1991-22 de decembro de 2002
			DEMOS				SKD–SDZS–SDZ–SLS–ZS
2		Janez Drnovšek (1950–2008)		14 de maio de 1992	25 de xaneiro de 1993	2,946 días	II
							LDS–DS–SDS–SSS–ZS–ZLSD
				25 de xaneiro de 1993	27 de febreiro de 1997		III
							LDS–SKD–SDS (1993–1994)–ZLSD (1993–1996)
			Democracia Liberal de Eslovenia (LDS)	27 de febreiro de 1997	7 de xuño de 2000		IV
							LDS–SLS–DeSUS
3		Andrej Bajuk (1943–2011)		7 de xuño de 2000	30 de novembro de 2000	176 días	V
			Partido Popular Esloveno (SKD+SLS)
			logo Nova Eslovenia (NSi)				SLS–SKD–SDS
(2)		Janez Drnovšek (1950–2008)		30 de novembro de 2000	19 de decembro de 2002	749 días	VI
			Democracia Liberal de Eslovenia (LDS)				LDS–SLS–DeSUS–ZLSD
4		Anton Rop (1960-)		19 de decembro de 2002	3 de decembro de 2004	715 días	VII	Janez Drnovšek 22 de decembro de 2002-23 de decembro de 2007
			Democracia Liberal de Eslovenia (LDS)				LDS–SLS–DeSUS–ZLSD
5		Janez Janša (1958-)		3 de decembro de 2004	21 de novembro de 2008	1,449 días	VIII
			Partido Demócrata Esloveno (SDS)				SDS–NSi–SLS–DeSUS
6		Borut Pahor (1963-)		21 de novembro de 2008	10 de febreiro de 2012	1,176 días	IX	Danilo Türk 23 de decembro de 2007-22 de decembro de 2012
			Socialdemócratas (SD)				SD–DeSUS (2008–2011)–LDS–Zares (2008–2011)
(5)		Janez Janša (1958-)		10 de febreiro de 2012	20 de marzo de 2013	404 días	X
			Partido Demócrata Esloveno (SDS)				SDS–NSi–SLS–DeSUS–DL
7		Alenka Bratušek (1970-)		20 de marzo de 2013	18 de setembro de 2014	547 días	XI	Borut Pahor 22 de decembro de 2012-presente
			Eslovenia Positiva (PS)
			logo Alianza de Alenka Bratušek (ZaAB)				PS–DeSUS–DL–SD–ZaAB
8		Miro Cerar (1963-)		18 de setembro de 2014	13 de setembro de 2018	1,456 días	XII
			Partido do Centro Moderno (SMC)				SMC–DeSUS–SD
9		Marjan Šarec (1977-)		13 de setembro de 2018	3 de marzo de 2020	547 días	XIII
			Lista de Marjan Šarec (LMŠ)				LMŠ–SD–SMC–SAB–DeSUS
(5)		Janez Janša (1958-)		3 de marzo de 2020	25 de maio de 2022	813 días	XIV
			Partido Demócrata Esloveno (SDS)				SDS–SMC–NSi–DeSUS
10		Robert Golob (1967-)		25 de maio de 2022	presente	695 días	XV
			Movemento Liberdade (GS)				GS–SD–Levica–LMŠ–SAB

Véxase tamén

Outros artigos

• Presidente de Eslovenia
• Xefes de Estado e Goberno actuais