Danilo Türk

Danilo Türk, xurista, diplomático e político, é o presidente de Eslovenia dende o 22 de decembro de 2007.

Danilo Türk
Presidente de Eslovenia
Período	22 de decembro de 2007 - actualidade
Antecesor	Janez Drnovšek
Datos persoais
Nacemento	19 de febreiro de 1952
	Maribor
Cónxuxe	Barbara Miklič Türk
Alma máter	Universidade de Ljubljana, University of Belgrade Faculty of Law e Universidade de Belgrado
Profesión	xurista, diplomático e político
[ editar datos en Wikidata ]

Datos biográficos

Türk estudou Dereito na Universidade de Liubliana, onde traballou desde 1978 como profesor, sendo nomeado en 1995 Catedrático de Dereito Internacional. Entre o 1992 e o 2000 foi Embaixador de Eslovenia ante as Nacións Unidas, e presidente do Consello de Seguridade da ONU en agosto de 1998 e novembro de 1999. Kofi Annan nomeouno Secretario Xeral Adxunto para Asuntos Políticos das Nacións Unidas. Entre outros asuntos, interveu ante o Consello de Seguridade sobre o conflito palestino-israelí.

Eleccións

En 2007 decidiu presentarse ás eleccións presidenciais de Eslovenia. Contaba co apoio dos Socialdemócratas, de Zares e de DeSus, entre outros grupos. Na primeira volta das presidenciais, o 21 de outubro de 2007, obtivo un 24,54% dos votos, fronte a Lojze Peterle, que obtivo 28,50%. Ambos se enfrontaron na segunda volta das presidenciais o día 11 de novembro, onde se alzou coa vitoria obtendo o 68,2% dos votos. Asumiu como terceiro presidente o 23 de decembro de 2007, moi poucos días antes de que Eslovenia asumise a Presidencia da Unión Europea.

Predecesor: Janez Drnovšek

Presidente de Eslovenia 2007 -

Sucesor: No cargo

Véxase tamén

Ligazóns externas

• Biografía
• Páxina web da campaña a presidencia
• Biografía por Fundación CIDOB