Polioptílidos

A dos polioptílidos (Polioptilidae) é unha familia de pequenas aves paseriformes da superfamilia dos certioideos.

As 17 especies desta familia (algúns autores redúcenas a 15, mentres que outros auméntanas até as 20)^{[Cómpre referencia]} viven en toda América, excepto no extremo sur e as altas rexións dos Andes. A maior parte delas habitan sobre todo en zonas tropicais e subtropicais, onde son residentes permanentes, pero Polioptila caerulea, dos Estados Unidos e o sur do Canadá, migra cara ao sur para pasar o inverno.

Características

Estas delicadas aves parécense aos Sylviidae do Vello Mundo (en cuxa familia estiveron situados antigamente) na súa estrutura e hábitos, e móvense continuamente entre a follaxe na busca de insectos.

Existen tres xéneros nesta familia: Polioptila, Microbates e Ramphocaenus.

As especies do primeiro xénero son na súa maioría de cor gris azulada suave, e teñen o bico longo e afiado, típico das aves insectívoras. Moitas especies teñen patróns negros distintivos na cabeza (especialmente os machos) e colas longas, que polo regular mostran ergueitas, de cor branca e negra. As especies dos outros dous xéneros son máis pardas, máis grosas e, proporcionalmente, coas colas máis curtas e os bicos máis longos.

Os Microbates e os Ramphocaenus aparecen tipicamente no mato de bosques densos, a miúdo húmidos, mientras que os Polioptila, dependendo da especie, aparecen en calquera lugar, desde hábitats de matogueiras secas (como Polioptila californica) até o dosel da selva tropical da Amazonia (como Polioptila guianensis).

As especies de América do Norte aniñan en arbustos ou en árbores, pero o comportamento reprodutivo de varias das especies neotropicais descoñécese.

Taxonomía

Descrición

A familia foi descrita en 1858 polo zoólogo estadounidense Spencer Fullerton Baird, especializado en herpetoloxía, ornitoloxía e ictioloxía.

Etimoloxía

O nome científico Polioptilidae está formado, como é usual, sobre a raíz do nome do xénero tipo, Polioptila, coa adición do sufixo do latín científico ´-idae, neutro plural de ´-ideus, tirado do sufixo patronímico do grego antigo -ίδης -ídēs (indicando semellanza), co que se forman os nomes da familias de animais.

Clasificación

Segundo o ITIS a familia comprende tres xéneros, coas especies que ser relacionan a continuación:

Familia Polioptilidae S. F. Baird, 1858

• Xénero Microbates
  • Microbates cinereiventris (P. L. Sclater, 1855)
  • Microbates collaris
• Xénero Polioptila
  • Polioptila albiloris P. L. Sclater & Salvin, 1860
  • Polioptila caerulea (Linnaeus, 1766)
  • Polioptila californica Brewster, 1881
  • Polioptila clementsi B. M. Whitney & J. A. Alonso, 2005
  • Polioptila dumicola (Vieillot, 1817)
  • Poliptila facilis Zimmer, 1942
  • Polioptila guianensis Todd, 1920
  • Polioptila lactea Sharpe, 1885
  • Polioptila lembeyei (Gundlach, 1858)
  • Polioptila melanura Lawrence, 1857
  • Polioptila nigriceps S. F. Baird, 1864
  • Polioptila paraensis Todd, 1937
  • Polioptila plumbea (Gmelin, 1788)
  • Polioptila schistaceigula Hartert, 1898
• Xénero Ramphocaenus Vieillot, 1819
  • Ramphocaenus melanurus Vieillot, 1819

Véxase tamén

Bibliografía

• Atwood, J. & Lerman, S. (2006): "Family Polioptilidae (Gnatcatchers)" en: del Hoyo, J.; A. Elliott & D. Christie. Handbook of Birds of the World. Vol. 11. Old World Flycatchers to Old World Warblers. Bellaterra (Barcelona): Lynx Edicions. ISBN 978-84-96553-06-4, pp. 350–377.
• del Hoyo, J.; Elliot, A.; Christie, D. (eds.) (2006): Handbook of the Birds of the World. Volume 11: Old World Flycatchers to Old World Warblers. Bellaterra (Barcelona): Lynx Edicions. ISBN 84-96553-06-X.
• LeCroy, M. (2005): "Type specimens of birds in the American Museum of Natural History. Part 6. Passeriformes: Prunellidae–Polioptilidae". Bulletin of the American Museum of Natural History 292: 1–132.

Outros artigos

• Paseriformes
• Certioideos

Ligazóns externas

• Polioptilidae S. F. Baird, 1858 no ITIS.
• Polioptilidae na EOL.
• Videos de polioptílidos en la Internet Bird Collection