Paul Dukas

Paul Dukas
Nome completo	Paul Abraham Dukas
Nacemento	1 de outubro de 1865
Lugar de nacemento	1.º arrondissement de Paris
Falecemento	17 de maio de 1935 e 18 de maio de 1935
Lugar de falecemento	París
Soterrado	Crématorium-columbarium du Père-Lachaise
Nacionalidade	Francia
Alma máter	Lycée Turgot e Conservatorio de París
Ocupación	compositor, coreógrafo, pedagogo, profesor de música, profesor universitario e pianista
Cónxuxe	Suzanne Pereyra
Fillos	Adrienne Thérèse Dukas
Coñecido por	O aprendiz de meigo, Ariane et Barbe-bleue e Piano Sonata
Premios	Prix de Rome, Oficial da Lexión de Honra e Cabaleiro da Lexión de Honra
Na rede
	[ editar datos en Wikidata ]
	v; c; e;

Paul Dukas, nado en París o 1 de outubro de 1865^[1] e morto na mesma cidade o 17 de maio de 1935, foi un compositor francés da escola impresionista.

Traxectoria Editar

Comezou a tocar o piano aos 5 anos pero non sentiu a súa vocación até os 14. En 1881 ingresou no Conservatorio de París^[2] na clase de harmonía de Théodore Dubois. Desta época proceden algunhas páxinas inéditas: Un Air de Clytemnestre (1882) e Ouverture du Roi Lear (1883). En 1884 escoitou por primeira vez na orquestra o seu Ouverture pour Götz von Berlichingen. Ao ano seguinte foi admitido como alumno de composición de Ernest Guiraud e en 1886 obtivo un 1º Premio de contrapunto e fuga. En 1888 conseguiu o segundo Premio de Roma pola súa Cantata Velléda, pero negáronlle o primeiro Gran Premio ao ano seguinte, entón abandonou o conservatorio e dedicouse seriamente ao seu traballo. Escribiu tamén moitos artigos en revistas, que foron reunidos en 1948 baixo o título Escrits sur musique de Paul Dukas. Foi amigo e conselleiro de Isaac Albéniz^[3]^[4].