Prix de Rome

O Premio de Roma (en francés Prix de Rome) foi unha bolsa de estudos (premio en diñeiro) para estudantes de arte en París. Foi creado en 1663 en Francia cando reinaba Luís XIV. Cada ano o premio foi entregado a novos pintores, escultores e arquitectos prometedores. Tiveron que rematar un traballo moi difícil para demostrar que merecían gañar o premio. A persoa que gañase o premio conseguiría cartos para poder ir a Roma un ano para estudar. Ás veces permitíalles permanecer máis tempo se estaban facendo un traballo excepcionalmente bo.

Prix de Rome
Palazzo Mancini, sede da Academia desde 1725.
Tipo	premio artístico e Concurso
Data de fundación	1663
Data de disolución	1968
Nomeado en referencia a	Academia Francesa en Roma
País	Francia
[ editar datos en Wikidata ]

Aos primeiros premios de pintura uníronse en 1673 a escultura, en 1720 a arquitectura, en 1803 engadíuselle música aos temas, e en 1804 engadíuselle o gravado. Ás veces, a xente gañaba un "segundo premio" que lles permitía estudar durante un período máis curto.

Moitos artistas que gañaron o Prix de Rome xa están case esquecidos. Por outra banda, hai moitos artistas que se fixeron moi famosos pero que non gañaron o Prix de Rome, entre eles Delacroix, Manet, Degas ou Ravel, que tentou cinco veces gañalo. Houbo unha gran discusión sobre isto no Conservatorio de París, e as regras foron reorganizadas despois diso.

Durante 300 anos, foi o premio máis alto que un artista de calquera país podía recibir, atraendo a atención dos medios e catapultando aos gañadores á fama. Concedéronse até 1968, ano en que foron suprimidos por André Malraux, naquela altura Ministro de Cultura de Francia.

Véxase tamén

Ligazóns externas

• Os Concursos de Pintura Prix de Rome Arquivado