Panglao, Bohol

Para outras páxinas con títulos homónimos véxase: Panglao (homónimos).

Panglao, oficialmente Municipality of Panglao (en inglés), Munisipalidad sa Panglao (en cebuano), Bayan ng Panglao (en tagalo), é unha municipalidade de 4ª clase da provincia de Bohol, en Filipinas.

Panglao, Bohol

Localización
9°34′44″N 123°44′42″L
Estado	Filipinas
Rexión	Visayas Centrais (pt)
Província das Filipinas (pt)	Bohol
Contén a división administrativa	Bil-isan (en) Bolod (en) Danao (en) Doljo (en) Libaong (en) Looc (en) Lourdes (en) Poblacion (en) Tangnan (en) Tawala (en)
Poboación
Poboación	39.839 (2020) (833,63 hab./km²)
Número de fogares	8.694 (2020)
Lingua usada	Boholano dialect (en) Lingua cebuana lingua tagala
Xeografía
Superficie	47,79 km²
Altitude	10 m
Comparte fronteira con	Dauis (pt)
Creación	1803
Identificador descritivo
Código postal	6340
Prefixo telefónico	38
Páxina web	panglaolgu.gov.ph

Etimoloxía

O nome Panglao pode provir do nome que tiña antes da chegada dos españois, Panglawod, que significa "ao mar aberto", ou talvez derive da palabra panggaw, en referencia a unha arte de pesca utilizada polos lugareños.

Xeografía

É un dos dous municipios en que se divide a illa de Panglao (o outro é Dauis), e é coñecido polas súas praias para practicar mergullos e os seus hoteis turísticos.

O municipio ocupa a parte suroeste da illa homónima de Panglao, e o seu territorio tamén inclúe tres illas máis pequenas: Balicasag, Gak‑ang e Pontod (tamén chamada Pungtud, e coñecida como Virgin Island).

Na illa de Panglao non hai ríos, nin regatos nin lagos, polo que para consegir auga potábe, o municipio depende de pozos e do mananxial subterráneo de Canhilbas.

A cidade, situada a unha altitude media de 2,0 msnm (máxima 187 m; mínima 0 m), ocupa unha superficie de 47,79 km². Segundo o censo de 2020 contaba cunha poboación de 39 839 habitantes, polo que, nese ano, a súa densidade de poboación era de 83 hab./km².

No municipio de Panglao encóntrase o Aeroporto Internacional de Bohol-Panglao, que funciona como o aeroporto principal de Bohol, e substitúe ao aeroporto de Tagbilaran desde novembro de 2018.

Barangays

Panglao divídese administrativamente en 10 barangays ou barrios:

• Bil-isan (1 000 km², 3 649 hab.)
• Bolod (320 km², 1 906 hab.)
• Danao (620 km², 4 935 hab.)
• Doljo (3 100 km², 3 417 hab.)
• Libaong (500 km², 2 132 hab.)
• Looc (1 000 km², 2 543 hab.)
• Lourdes (410 km², 1 544 hab.)
• Población (780 km², 5 305 hab.)
• Tangnan (580 km², 3 645 hb.)
• Tawala (500 km², 4 477 hab.)

• Nota: Datos referidos a 2020.

Historia

Moito antes da colonización española, a zona xa fora visitada por comerciantes chineses e doutros países asiáticos, como demostran os achados arqueolóxicos de porcelana e de artigos comerciais das dinastías Tang, Song e Ming.
Panglao floreceu durante o goberno do reino de Dapitán, pero as incursiónes dos moluqueños e a conquista de Ternate deron lugar a períodos de despoboación, cando os habitantes da zona fuxiron principalmente a Panay e Mindanao.

Durante o dominio español estableceuse unha misión dos xesuítas que, en 1782 transformose unha parroquia, coñecida como a de Santo Agostiño de Panglawod. En 1803 a cidade foi establecida oficialmente como municipio. A "torre de vigilancia de Panglao" construíuse en 1851. Esta torre, octogonal e de cinco andares é a máis alta das do seu tipo en Filipinas, pero hoxe en día está abandonada.

A cidade de Panglao celebra a súa fiesta nos días 27 e 28 de agosto, en honor do seu padrón Santo Agstiño.

Educación

Panglao ten varias institucións educativas, entre elas a Academia San Agustín (Panglao), a Escola Secundaria Nacional Lourdes, o Cristal e-College e escolas primarias en cada barangay, incluída a Escola Primaria Central de Panglao.

Turismo

A principal atracción turística de Panglao son as súas praias de area branca, das cales a praia de Alona (Alona beach) é a máis famosa. Esta praia de Alona ten aproximadamente 1 500 m de longo, e está bordeada de palmeiras, centros turísticos e tendas. Porén, recibiu críticas polo seu desenvolvemenrto desenfreado, esquecendo as políticas de desenvolvemento municipal, advertindo contra o amoreamento e que Alona perda á súa imaxe de paraíso. Polo tanto, os gobernos municipal, provincial e nacional desenvoveron un plan para construír un novo aeroporto internacional na illa de Panglao, cunha vía de acceso directa á praia de Alona. Este plan estivo operativo en novembro de 2018. Outras praias son as de Bagobo, Bolod, Danao, Doljo e Momo.

Panglao é famosa polos lugaes de megullo, como Doljo Beach, Garden Eels, Arco Point, Kalipayan, Napaling e Puntod. A parte sur da illa está rodeada de arrecifes relativamente estreitos e pouco profundos (de 5 a 6 m) con acantilados submarinos que se afunden a profundidades de 33 a 56 m. Pódense organizar facilmente excursións a outros sitios de mergullo, incluídas as illlas Balicasag e Pamilacan.

Galería

• 
  Mapa de Panglao mostrando os barangayes e a illa de Balicasag
• 
  Torre de vixilancia
• 
  Praia de Alona
• 
  Palmeiras na praia de Alona
• 
  Cabanas na praia de Momo
• 
  Hotel
• 
  Monumento a José Rizal
• 
  Fachada actual da igrexa parroquial de Santo Agostiño
• 
  Interior da igrexa de Santo Agostiño
• 
  Ruínas da antiga igrexa parroquial de Santo Agostiño en Panglao, que foi destruída por un incendio durante a época española.
• 
  Exterior do Bohol-Panglao International Airport

Véxase tamén

Outros artigos

• Illa de Panglao

Ligazóns externas

• Panglao. Province of Bohol en PhilAtlas (en inglés).
• Philippine Standard Geographic Code (en inglés).
• Municipality of Panglao (en inglés).
• Panglao (en inglés).
• Alona Beach Guide (en inglés).