Uagadugú

Uagadugú
	Ouagadougou (fr)
Localización
	12°22′07″N 1°31′39″O / 12.3686, -1.5275Coordenadas: 12°22′07″N 1°31′39″O / 12.3686, -1.5275
Estado	Burkina Faso
Rexión	Rexión Centro
Provincia	Kadiogo
Departamento	Ouagadougou (pt)
Capital de	Burkina Faso
Poboación
Poboación	2.453.496 (2019) (11.187,85 hab./km²)
Lingua oficial	lingua francesa
Xeografía
Superficie	219.300.000 m²
Altitude	305 m
Organización política
Membro de	Rede de cidades creativas (2017–)
Identificador descritivo
Fuso horario	UTC±00:00
Outro
Irmandado con	Briton Ferry (pt) ; San Miniato (pt) ; Loudun (1967–); Leuze-en-Hainaut (pt) (1968–); metrópole de Lión (1994–); Cidade de Kuwait (1998–); Grenoble (1999–); Quebec (2000–); Turín (2003–); Bordeos (2005–); Taipei (2008–); Douala (2012–)

Uagadugú^[1] ou Ouagadougou á maneira francesa, denominada coloquialmente Uagá ou Ouaga, é a capital de Burkina Faso, sendo á vez a maior cidade do país, cunha poboación de 1,2 millóns de habitantes (2005), e aínda o centro cultural, económico e administrativo. Os habitantes de Ouagadougou son os Ouagalais (máis ou menos uagalé) ou Ouagavillois (uagavilluá).

A denominación orixinaria da cidade é «Woogrtenga» e «Wogodogo», que significa «aló onde se recibe honra, respecto».

Historia editar

Place des Nations Unies no centro de Uagadugú.

Uagadugú era o nome dun Estado fundado no século XI, do cal era capital Kombemtinga. Esta mesma cidade foi a capital do reino Mossi en 1441, sendo a residencia permanente do Mogho Naba (rei ou emperador dos mossis), que estaba no barrio de Samandin.

En 1919, durante a colonización francesa, o reino Mossi foi reagrupado con outros tres reinos, para formar a colonia do Alto Volta (Haute-Volta). Naquela altura a cidade de Kombemtinga foi rebautizada como Ouagadougou.

Tornouse capital da república do Alto Volta (Haute-Volta) en 1960, cando o país obtivo a independencia.

Clima editar

O clima de Uagadugú é bastante cálido. A cidade forma parte da área saheliana, cunha pluviosidade media de 750 mm anuais. A estación chuviosa abrangue de maio a outubro, cunha media de temperaturas de 30 °C. A estación fría vai de decembro a xaneiro, atinxíndose mínimas medias de temperatura de 19 °C. As máximas medias de temperatura danse durante a estación cálida, que vai de abril a maio, podéndose alcanzar os 45 °C. O harmattan (un vento seco) e máis o monzón, son os factores principais que determinan o clima de Uagadugú.

Turismo editar

Uagadugú dispón de ofertas culturais para nativos e visitantes. Cómpre destacar:

Museos editar

Museo de Kadiogo
Museo Etnográfico
Museo da Música

Monumentos de interese editar

Gran Mesquita
Catedral
Pazo dos Mogho Naba
Monumento dos Cineastas
Monumento aos Heroes Nacionais (en construción)

Comunicacións editar

Está unida ao porto de Abidjan, en Costa do Marfil, por ferrocarril. Posúe un aeroporto internacional.

Notas editar

↑ Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8. Arquivado dende o orixinal (PDF) o 30 de setembro de 2015. Consultado o 21 de xuño de 2015.

Véxase tamén editar

Ligazóns externas editar

Páxina Oficial de Uagadugú

[1] Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8. Arquivado dende o orixinal (PDF) o 30 de setembro de 2015. Consultado o 21 de xuño de 2015.

[1]