Olegario Vázquez Raña
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Olegario Vázquez Raña, nado o 10 de decembro de 1935 é un empresario e deportista mexicano e galego.
_24_(cropped).jpg)  | |
| Biografía | |
|---|---|
| Nacemento | 10 de decembro de 1935 (88 anos) Cidade de México |
President of the International Shooting Sport Federation (en)  Federação Internacional de Tiro Desportivo (pt) | |
| febreiro de 1980 – 30 de outubro de 2018 – Vladimir Lisin (pt) → | |
| Datos persoais | |
| País de nacionalidade | México España |
| Actividade | |
| Ocupación | tirador , empresario |
| Membro de | |
| Lingua | Lingua castelá |
| Nacionalidade deportiva | México |
| Deporte | Tiro deportivo |
| Participou en | |
| 1976 | Xogos Olímpicos de 1976 |
| 1972 | Xogos Olímpicos de 1972 |
| 1968 | Xogos Olímpicos de 1968 |
| 1964 | Xogos Olímpicos de 1964 |
 | |
Traxectoria editar
Tanto o seu pai como a súa nai naceran en Avión, e chegaran a México D.F. en 1928, sete anos antes de nacer Olegario. Comezou a traballar dende neno no negocio familiar, dedicado á venda de artigos para o fogar e para o campo. Herda co seu irmán Apolinar a xestión da empresa en 1976 e a partir de aí inicia a engalaxe económica que o converteu nun dos homes máis ricos de México.
Olegario Vázquez Raña é dono dun dos principais holdings empresariais dese país, o Grupo Empresarial Ángeles, que abrangue hospitais, hoteis, os medios de comunicación, grandes almacéns, restaurantes de comida rápida, aseguradoras e empresas de xestión de aeroportos, entre outros. A liña sanitaria coordina a xestión de vinte hospitais que funcionan cun sistema de mutua. Da liña de hoteis depende a empresa Camino Real, con 25 establecementos e máis de 4.000 habitacións.
Co Grupo Imagen, é propietario do xornal Excelsior, ten unha rede de radios e unha cadea de televisión, o Cadena 3, e a xestión dos aeroportos lévaa a través do Grupo Aeropuertuario del Pacífico, participado por empresas españolas como Aena ou Dragados.
Actividade deportiva editar
A actividade deportiva foi unha constante na vida da familia Vázquez Raña. Practicante de tiro olímpico, Olegario Vázquez Raña participou nos Xogos de Toquio, México e Múnic formando parte do equipo olímpico mexicano. Ademais, participou representando a este país en todos os mundiais da especialidade dende 1966 ata 1979. Foi plusmarquista mexicano de varias especialidades e en dúas ocasións, 1973 e 1975, conseguiu o récord mundial de rifle de aire comprimido.
Posteriormente desenvolveu carreira na administración deportiva. Foi presidente da Federación Mexicana de Tiro entre 1975 e 1992, membro do Comité Olímpico Mexicano e dende 1980 é presidente da Federación Internacional de Tiro Deportivo.
Datos persoais editar
Tivo cinco irmáns, dous dos cales morreron de cedo. Un deles é Mario Vázquez Raña, presidente do Comité Olímpico Mexicano. O seu fillo é Olegario Vázquez Aldir.