O nu metal é un estilo musical que combina o metal alternativo co rap, hardcore punk,[1] rock alternativo e ás veces co pop, tamén adoita ter esencias doutros estilos como o funk, a música electrónica, o reggae e o folk, entre outros. Utiliza guitarras menos estridentes e máis graves que o rock ou heavy metal convencional, acompañadas por efectos e estraños sons nos riffs. Xurdiu a principios e mediados dos anos 1990 no sector dos Ánxeles e impulsado principalmente por grupos como Korn, Deftones e Limp Bizkit. Pero sen dúbida os precursores e influenciadores deste xénero foron bandas como Suicidal Tendencies, Machine Head, Eric B. & Rakim, Nine Inch Nails, Anthrax, Beastie Boys, Faith No More, Tool, Rage Against the Machine e Pantera, que foron bandas que empezaron a moldar este xénero a pricipios dos 90, pero o seu estilo non tiña nada que ver co nu metal. Tivo o seu auxe popular a finais dos 90 e comezos do milenio, pero comezou a decaer e perder gancho comercial do 2001 para adiante.

Nu metal
Orixe musicalheavy metal, rap metal, grunge,[1] funk metal
Orixe culturalprincipios dos 90 nos Estados Unidos
Instrumentos típicosguitarra eléctrica, baixo, xiradiscos, batería, secuenciadores, samplers

Chámaselle nü metal, que vén de new metal (novo metal) por querer representar unha evolución do metal tradicional. En certas partes chámase aggro metal ao nu metal máis agresivo e menos rapeado (Ill Niño, Slipknot, Mudvayne etc.), para diferencialo co menos agresivo e máis relacionado co rap (Linkin Park, Limp Bizkit, POD etc.).

Notas editar

  1. 1,0 1,1 "Genre: Alternative Metal". Allmusic. Arquivado dende o orixinal o 13 de febreiro de 2011. Consultado o 22 May 2010. 

 
 Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.