Nicolae Ceaușescu

(Redirección desde «Nicolae Ceausescu»)


Nicolae Ceaușescu, nado en Scornicești o 26 de xaneiro de 1918 e finado en Târgoviște o 25 de decembro de 1989, foi un político comunista e ditador romanés.

Infotaula de personaNicolae Ceaușescu

Editar o valor em Wikidata
Biografía
Nacemento26 de xaneiro de 1918 Editar o valor em Wikidata
Scornicești (Reino de Romanía) Editar o valor em Wikidata
Morte25 de decembro de 1989 Editar o valor em Wikidata (71 anos)
Târgoviște, Romanía (pt) Traducir Editar o valor em Wikidata
Causa da mortePena de morte Editar o valor em Wikidata (Ferida por arma de fogo Editar o valor em Wikidata)
Lugar de sepulturacemiterio de Ghencea Editar o valor em Wikidata
Presidente de Romanía
29 de abril de 1974 – 22 de decembro de 1989 (Revolución romanesa de 1989)
← sen valor – Ion Iliescu →
Presidente do Consello de Estado
9 de decembro de 1967 – 22 de decembro de 1989
← Chivu StoicaSupresión do cargo →
Membro da Câmara dos Deputados da Roménia (pt) Traducir
Editar o valor em Wikidata
Datos persoais
País de nacionalidadeReino de Romanía (–1947)
República Socialista de Romanía Editar o valor em Wikidata
EducaciónUniversity of Nice Sophia Antipolis (en) Traducir
Academia Militar M. V. Frunze (pt) Traducir
Academia de estudos económicos de Bucarest Editar o valor em Wikidata
Cor dos ollosAzul-verde Editar o valor em Wikidata
Cor do peloPelo negro Editar o valor em Wikidata
Actividade
Campo de traballoPolítica e exército Editar o valor em Wikidata
Ocupaciónpolítico , zapateiro , militar , Presidente de Romanía Editar o valor em Wikidata
Partido políticoPartido Comunista Romanés (1937–) Editar o valor em Wikidata
Influencias
LinguaLingua romanesa Editar o valor em Wikidata
Carreira militar
LealdadeRepública Socialista de Romanía Editar o valor em Wikidata
Rama militarForzas terrestres romanesas Editar o valor em Wikidata
Rango militarmajor-general (pt) Traducir Editar o valor em Wikidata
Participou en
25 de decembro de 1989Revolución romanesa de 1989 Editar o valor em Wikidata
Outro
CónxuxeElena Ceaușescu Editar o valor em Wikidata
FillosZoia Ceaușescu, Nicu Ceaușescu, Valentin Ceaușescu Editar o valor em Wikidata
IrmánsIon Ceaușescu Editar o valor em Wikidata
Condenado porabuso de poder (1989)
Xenocidio (1989)
apropiación indebida (1989) Editar o valor em Wikidata
Cronoloxía
15 de decembro de 1989-27 de decembro de 1989Revolución romanesa de 1989
19661966 Romanía prohíbe a contracepción e o aborto Editar o valor em Wikidata
Premios
Sinatura
Editar o valor em Wikidata

Páxina webceausescu.org Editar o valor em Wikidata
IMDB: nm0147476 Allocine: 442100 Allmovie: p661518
Discogs: 4342728 WikiTree: Ceaușescu-1 Find a Grave: 6068 Editar o valor em Wikidata

Traxectoria editar

Naceu na vila de Scornicești, Oltenia, Romanía. Segundo algunhas versións, mentres era empregado dun zapateiro estaba vagando nunha estación de ferrocarril e roubou unha maleta, o que foi descuberto pola Policía. A maleta resultou estar repleta de panfletos do Partido Comunista Romanés polo que foi levado preso a Doftana, xunto con outros comunistas. Dise que este foi o seu primeiro contacto co comunismo.

Foi membro do ilegal Partido Comunista Romanés (PCR) no período anterior á segunda guerra mundial. Ceaușescu estivo preso entre 1936 e 1940 polas súas actividades. Logo da guerra, cando Romanía empezou a caer baixo a influencia soviética, Ceaușescu exerceu como secretario da Unión de Mocidades Comunistas (1944-45). Despois de que os comunistas tomaron o poder en Romanía en 1947, asumiu o cargo de ministro de Agricultura e despois serviu como ministro subrogante das Forzas Armadas no goberno leninista de Gheorghe Gheorghiu-Dej. Ceaușescu eventualmente ascendeu ata a segunda posición na xerarquía do Partido.

Coa morte de Gheorghiu-Dej en marzo de 1965, Ceaușescu converteuse en líder do PCR e en 1967 chegou á presidencia do Consello do Estado. Rapidamente converteuse nunha figura popular, grazas á súa política independente, que desafiaba a supremacía da Unión Soviética no país.

Nos anos 60 rematou coa participación activa de Romanía na alianza militar do Pacto de Varsovia, destacando a súa condena á invasión de Checoslovaquia en 1968. En 1974 Ceaușescu converteuse en presidente de Romanía, mantendo a súa posición independente nas relacións internacionais. Por iso, en 1984, o seu país foi un dos dous países pertencentes ao eixo comunista que participaron nos Xogos Olímpicos de Los Angeles 1984. Ademais, o país foi o primeiro do bloque do leste en ter relacións oficiais coa Comunidade Europea.

Con todo, Ceaușescu non quixo realizar reformas liberais. A evolución do seu réxime seguiu a ruta leninista imposta por Gheorghiu-Dej. A súa oposición ao control soviético foi maiormente determinada pola súa falta de vontade de cambiar a súa política estalinista. A policía secreta romanesa (Securitate), mantivo un firme control sobre a liberdade de expresión e os medios de comunicación e non tolerou a existencia algunha de oposición. Isto intensificouse nos anos 80.

Para pagar a débeda externa acumulada produto da industrialización acelerada na década anterior, ordenou a exportación de gran parte da produción agrícola e industrial do país. O resultado foi a escaseza de comida, enerxía e medicamentos, que provocou que a vida diaria dos romaneses fose unha loita pola supervivencia. Ceaușescu ademais instituíu un culto á súa persoa, dándose a si mesmo o título de Conducător, tendo ata un cetro feito para el como presidente. Tamén múltiples membros da súa familia tiveron importantes posicións no seu goberno, como a súa muller Elena Ceaușescu.

En 1978 Ion Mihai Pacepa, un experimentado membro do Securitate, desertou a Estados Unidos, o que foi un duro golpe para o réxime e levouno a redeseñar a arquitectura da policía secreta. O libro de Pacepa, Horizontes vermellos: Crónicas dun espía comunista (1986), sinala que o réxime de Ceaușescu colaborou con terroristas árabes e realizou espionaxe a industrias de países occidentais.

Empezando en 1972, Ceaușescu instituíu un programa de sistematización, que foi promulgado como unha forma de construír unha «sociedade socialista desenvolvida multilateral». O programa de demolición, construción e recolocación empezou nas zonas rurais, terminando co intento de remodelar completamente a capital. Un quinto das construcións de Bucarest, incluíndo igrexas e edificios históricos, foron botados abaixo, e substituídos por edificacións que seguían o estilo personalista do réxime. Moita xente morreu durante a construción do "Palacio do Pobo" (Casa Poporului), en Bucarest, o que actualmente ocupa o Parlamento e que é o segundo edificio máis grande do mundo, despois do Pentágono. Tamén planificou a demolición de múltiples vilas para mover aos seus habitantes a edificios de bloques nas cidades, como parte do seu programa de urbanización e industrialización.

O réxime de Ceaușescu colapsou tras ordenarlles ao Exército e á Securitate disparar en contra de protestantes anticomunistas en Timișoara o 17 de decembro de 1989. A rebelión ampliouse polo país, chegando a Bucarest e o 22 de decembro as Forzas Armadas fraternizaron cos protestantes. O mesmo día Ceaușescu e a súa esposa fuxiron da capital nun helicóptero, mentres un axudante apuntaba a cabeza do piloto cunha pistola. O piloto aterrou tras simular un fallo mecánico e Ceaușescu foi capturado polas Forzas Armadas nun bloqueo de estrada.

O 25 de decembro Ceaușescu e a súa muller foron condenados á morte por unha "Corte marcial" nun xuízo sumario baixo unha serie de cargos, entre os que se inclúen o xenocidio, sendo executados en Târgovișche. Algunhas secuencias destes sucesos foron transmitidas pola televisión Romanesa. Romanía foi o único país de Europa oriental que derrocou violentamente ao seu réxime comunista.

Logo da caída de Ceaușescu, Ion Iliescu gañou as eleccións presidenciais en 1990.