Nervio radial

O nervio radial é un nervio do membro superior procedente do tronco secundario posterior. É un nervio mixto e é o único eixo extensor da porción apendicular do membro superior. O nervio radial atopámolo na axila e desde alí diríxese primeiro á parte interna do brazo e logo á posterior pasando pola canle radial do úmero. Despois vai á parte externa do epicóndilo e divídese en dúas ramas: anterior, que é sensitiva pura e unha posterior que é motora pura.

Nervio radial
n. radialis
Instancia de	tipo de nervio e clase de entidade anatómica
Subclase de	nervio periférico e entidade anatómica particular
Parte de	plexo braquial
Rama anatómica de	posterior cord (en)
Ten rama anatómica	posterior cutaneous nerve of arm (en) , inferior lateral cutaneous nerve of arm (en) , posterior cutaneous nerve of forearm (en) , muscular branches of the radial nerve (en) , deep branch of radial nerve (en) , superficial branch of radial nerve (en) , posterior muscular branch of radial nerve (en) , nerve to extensor carpi radialis longus (en) , nerve to brachioradialis (en) , lateral muscular branch of radial nerve to brachialis (en) , nerve to articularis cubiti (en) , branch of medial muscular branch of radial nerve to long head of triceps brachii (en) e ulnar collateral nerve (en)
Innerva	músculo braquial anterior, músculo braquiorradial, tríceps braquial, Músculo ancóneo e Músculo extensor radial longo do carpo
Descrito pola fonte
Descrito pola fonte Anatomía de Gray (20ª edición) (páxina(s): 943)
Identificadores
MeSH	D011826
Terminologia Anatomica 98	A14.2.03.049
[ Wikidata ] [ C:Commons ]

Relacións

Na axila por fóra ten o nervio circunflexo e por diante ten as ramas anteriores do plexo braquial: nervio musculocutáneo, nervio mediano, nervio cubital, nervio braquiocutáneo interno e o nervio accesorio, e a articulación umeral.

Sae da axila e diríxese cara a parte interna do brazo. Chega á parte media do brazo, pasa pola canle de torsión do úmero xunto coa arteria umeral fonda e dúas veas umerais fondas, constituíndo o paquete vasculonervioso radial do brazo. Ao saír da canle, ao nivel do cóbado, o nervio radial aproxímadr á canle bicipital exerna relacionándose coa arteria umeral fonda. Neste punto divídese en dúas ramas terminais.

Ramas colaterais

Ramas sensitivas

• Rama cutánea interna: dá sensibilidade á pel da parte interna e posterior do brazo.
• Rama cutánea externa: dá sensibilidade á pel da parte posterior e externa do brazo.
• Rama para o cóbado.

Ramas motoras

• Rama para a porción longa do bíceps.
• Rama para o vasto externo.
• Rama para o vasto interno.
• Rama para o músculo ancóneo.

Tamén innerva dous músculos do antebrazo: o músculo supinador longo e o músculo primeiro radial externo.

Ramas terminais

Rama anterior

É sensitiva. Sitúase entre o supinador longo e o palmar maior. Forma o paquete vasculonervioso radial do antebrazo xunto coa arteria radial e dúas veas satélite radiais. Esta rama pasa pola parte externa do carpo e faise posterior. Despois dá dúas colaterais dorsais para aos dedos. Tamén da innervación sensitiva á parte antero-externa do antebrazo e anastomósase co nervio cubital.

Rama posterior

É motora. Atópase entre os fascículos do supinador longo. Desde alí, diríxese á parte posterior do antebrazo, a través da cal accede á man. Nela, innerva aos seguintes músculos:

• Segundo radial externo
• Supinador longo
• Extensor común dos dedos
• Extensor propio do V dedo
• Cubital posterior
• Excepcionalmente, ancóneo
• Abdutor longo do I dedo
• Extensor curto do I dedo
• Extensor longo do I dedo
• Extensor propio do II dedo
• Abdutor curto do I dedo