Na estrada
Na estrada[1] (no orixinal, On the Road) é unha novela escrita por Jack Kerouac en 1951 e publicada por primeira vez en 1957 na editorial estadounidense Viking Press. En galego, traduciuna Xesús Fraga e publicouna a editorial Kalandraka en 2020. É unha obra en parte autobiográfica escrita como un monólogo interior, baseada nas viaxes que Kerouac e os seus amigos fixeron polos Estados Unidos e México entre 1947 e 1950. Contribuíu á mitificación da ruta 66. Está considerada como a obra definitiva da xeración beat e recibe inspiración do jazz, a poesía e as drogas.
| Na estrada | |
|---|---|
 | |
| Título orixinal | On the Road |
| Autor/a | Jack Kerouac |
| Orixe | Estados Unidos |
| Lingua | inglés |
| Xénero(s) | Novela, Beat |
| Editorial | Kalandraka e Viking Press |
| Data de pub. | 5 de setembro de 1957 |
| Premios | |
| Tradución | Xesúa Fraga |
| [ editar datos en Wikidata ] | |
É un dos clásicos máis influentes do século XX, e hoxe en día reedítase a un ritmo de 100.000 copias anuais, sendo considerado pola revista Time como unha das cen mellores novelas en inglés editadas desde o nacemento da revista en 1923.
Con esta novela Kerouac foi cualificado como o novo Charlie Parker, e o seu estilo foi denominado como "prosa espontánea", e comparado co Be Bop debido ó seu ritmo frenético e improvisado.
Foi escrita en só tres semanas, mentres Kerouac vivía coa súa segunda esposa Jane Haverty nun apartamento no número 454 da rúa 20 oeste de Manhattan, e foi mecanografada sen marxes nin parágrafos diferenciados nun longo rolo de papel ó que Kerouac chamaba simplemente o rolo. Contrariamente á lenda, non utilizou máis drogas que o café para escribir a novela.
O rolo orixinal é actualmente propiedade de James Isray, o propietario do equipo de fútbol americano Indianapolis Colts, quen o comprou por unha elevada suma de diñeiro e permite a súa exposición en universidades, museos e centros culturais.
A lendaria historia sobre como escribiu Kerouac o libro pasa por alto a tediosa organización e preparación previa antes da súa explosión creativa. Kerouac levaba pequenos cadernos nos que escribía notas para preparar a novela durante o seu tempo libre, algunhas delas incluídas no libro pese a escribilas como notas sen ordenar sete anos antes das viaxes. Kerouac corrixiu a novela varias veces antes de que o escritor e asesor da editorial Viking Press decidira publicala.
En 2006 comezou a prepararse unha adaptación ó cine, dirixida por Walter Salles baixo a produción de Francis Ford Coppola.
En agosto de 2007 publicouse unha edición sen censurar da novela coincidindo co 50 aniversario da publicación orixinal, incluíndo partes que foron consideradas inadecuadas daquela, e substituíndo tamén os pseudónimos que utilizou Kerouac polos nomes reais dos personaxes.
Argumento
editarO libro comeza presentando ó impulsor da maioría das aventuras que teñen lugar ó longo da novela, Dean Moriarty, pseudónimo de Neal Cassady, que fora o aloucado hipster que se converteu en heroe de tódolos beats. O narrador é Sal Paradise, alter ego de Kerouac, fascinado polo seu ecléctico grupo de amigos, polo jazz, polas paisaxes de Norteamérica e polas mulleres.
A cidade de Nova York é o punto de partida da aventura, onde pouco antes da chegada de Moriarty, Sal Paradise (Kerouac) coñecería a Carlo Marx (sobrenome de Allen Ginsberg), que axiña se convertería no seu mellor amigo na cidade. Sal define a Dean como o estafador santo de mente brillante e a Carlo como o estafador poético e doloroso de mente escura. Carlo e Dean falan das súas experiencias cos seus amigos por todo o país e Sal queda fascinado con eles e con outros que irá coñecendo máis tarde nas viaxes.
As viaxes
editar
1947
Nova York → Chicago → Newton (Iowa) → Stuart (Iowa) → Cheyenne (Wyoming) → Denver (Colorado) → Salt Lake City (Utah) → San Francisco (California) → Marin City → Hollywood → Os Ánxeles → Selma (California) → Dalhart (Texas) → Indianapolis, (Indiana) → Harrisburg (Pensilvania) → Nova York.
1949
Rocky Mount (Carolina do Norte) → Algiers (Luisiana) → San Francisco → Nova York.
1950
Nova York, → Terre Haute (Indiana) → St. Louis (Missouri) → Denver → Amarillo (Texas) → Terre Haute (Indiana) → San Antonio (Texas) → Laredo (Texas) → Nuevo Laredo (Tamaulipas) → Hidalgo (Nuevo León) → Ciudad Victoria → Llera de Canales → México DF.
As personaxes
editar| Sal Paradise | Jack Kerouac |
| Dean Moriarty | Neal Cassady |
| Chad King | Haldon "Hal" Chase |
| Carlo Marx | Allen Ginsberg |
| Marylou | LuAnne Henderson |
| Tim Gray | Ed White |
| Ed Wall | Ed Uhl |
| A tía | Gabrielle Kerouac (nai do autor) |
| Old Bull Lee | William S. Burroughs |
| Elmer Hassel | Herbert Huncke |
| Jane Lee | Joan Vollmer Adams Burroughs |
| Tommy Snark | Jim Holmes |
| Roy Johnson | Bill Tomson |
| Ed Dunkel | Al Hinkle |
| Rocco | Paul Blake (cuñado do autor) |
| Remi Boncœur | Henri Cru |
| Lee Ann | Dianne Orin |
| Ray Rawlins | Bob Burford |
| Babe Rawlins | Beverly Burford |
| Mary Bettencourt | Ruth Gullion |
| Rita Bettencourt | Helen Gullion |
| Roland Major | Allan Temko |
| William Holmes “Big Slim” Hazard | William Holmes “Big Slim” Hubbard |
| Betty Gray | Joanie White (esposa de Ed White) |
| Camille | Carolyn Cassady (nada Robinson) |
| Denver D. Doll | Justin Brierly |
| Old Dean Moriarty | Neal Cassady pai |
| Mr. Snow | ? |
| “The famous director” | Gregory La Cava |
| Terry | Bea Franco |
| Peaches | Ginger Chase |
| Dorie, “Tall redhead” | Vicki Russell |
| Amy Moriarty | Catherine Cassady |
| Galatea Dunkel | Helen Hinkle |
| Lucille | Pauline |
| Tom Saybrook | Ed Stringham |
| Ian MacArthur | John Clellon Holmes |
| Damion | Lucien Carr |
| Mona | Rhoda |
| Rollo Greb | Alan Ansen |
| Dodie Lee | Julie Burroughs |
| Ray Lee | William S. Burroughs Jr. |
| Dale | Kells Elvins |
| Hal Hingham | Alan Harrington |
| Marie | Lorraine |
| Dorothy Johnson | Helen Tomson |
| Sam Brady | (curmán de Neal Cassady) |
| Inez | Diana Hansen |
| Angel Luz García | José García Villa |
| Walter Evans | Walter Adams |
| Victor Villanueva | Victor Tejeira |
| Jinny Jones | Jinny Baker Lehrman |
| Gene Dexter | Gene Pippin |
| Stan Shepard | Frank Jeffries |
| Victor | Gregorio |
| Laura | Joan Kerouac (nada Haverty) |
| Joanie Moriarty | Jami Cassady |