Mons
Coordenadas: 50°27′N 03°57′L / 50.450, -3.950
Mons (en flamengo Bergen) é unha cidade de Bélxica, capital da provincia de Hainaut, na zona francófona do país. Ten arredor de 91.000 habitantes.
| Mons | |||
|---|---|---|---|
| |||
 | |||
| Le beffroi | |||
| Localización | |||
  Mons | |||
| País |  Bélxica | ||
| Comunidade | Comunidade francesa de Bélxica | ||
| Rexión | Valonia | ||
| Provincia | Hainaut | ||
| Xeografía | |||
| Superficie | 146,56 km² | ||
| Demografía | |||
| Poboación | 93.072 hab. (2012) | ||
| Densidade | 640 hab/km² | ||
| Outros datos | |||
| Código postal | 7000-7034 | ||
| Alcalde | Elio Di Rupo (PS) | ||
| Páxina oficial de Mons | |||
.svg)
_Mons.JPG)
SituaciónEditar
Mons localízase a 50 km, en dirección suroeste, da capital do país, Bruxelas, a arredor de 200 km ao nordeste de París e a uns 75 km ao leste de Lille. A cidade está situada no cruzamento de importantes eixes autoestradais: E19 (París-Bruxelas-Antuerpen-Ámsterdam) e E42 (Lille-Charleroi-Liexa-Fráncfort do Main).
TopografíaEditar
O relevo do concello de Mons está marcado polo val do río Haine, que flúe de leste a oeste, ao norte da cidade, para acabar por xuntarse, xa en Francia, con o Escalda. O río Trouille xúntase con o Haine na mesma cidade de Mons. O norte e sur do val do Haine está conformado por outeiros e altiplanos con alturas progresivamente en aumento que varían entre os 50 e os 115 m, que culminan na aldea de Saint-Denis. A altura descende até o 20 m nas beiras do Haine e do canal Nimy-Blaton-Péronnes.
A cidade foise desenvolvendo sobre un outeiro (de aí o nome de Mons: monte) sito na confluencia entre o Haine e o Trouille, o que lle foi conferindo unha forma máis ou menos circular. A altura do casco urbano é maior xustamente no seu centro.
A verEditar
O centro da vida cidadá é a Gran Praza (Grand-Place). A súa man suroeste ábrense as rúas medievais, ben conservadas. Cómpre ver:
- A Casa do Concello (Hôtel de Ville), edificio gótico do século XV; á súa entrada principal, no exterior, a curiosa estatua dun macaco, dito o Singe du Grande Garde, do cal se di que outorga boa sorte a que lle aloumiña coa man dereita a cabeza;
- Colexiata de Sainte-Waudrau, de estilo tardogótico, no suroeste da Grande-Place
- Museo da Guerra (Musée du Guerre), consagrado ás vicisitudes da cidade nas dúas guerras mundiais;
- Musée du Vieux Nimy, cunha boa colección de porcelana de Delft.
Predecesor: Riga Umeå
|
 Capital Europea da cultura xunto con  Plzeň2015 |
Sucesor: Wrocław Donostia
|
Véxase taménEditar
| Commons ten máis contidos multimedia sobre: Mons |