Millennium Stadium

O Millennium Stadium (en galés Stadiwm y Mileniwm) é o estadio nacional de Gales, localizado na súa capital, Cardiff. Neste recinto adoitan xogar as seleccións galesas de rugby e de fútbol mais tamén acolle outros grandes eventos coma o Rally de Gales (Wales Rally GB), etapa do Campionato Mundial WRC, o Gran Premio de Speedway de Gran Bretaña, boxeo e unha grande selección de concertos, con artistas como por exemplo Tina Turner, Madonna, The Rolling Stones ou o festival de Tsunami Relief.

Millenium Stadium
Millenium Stadium
Datos
Localización	Cardiff, Gales
Construción
Inauguración	Xuño de 1999
Arquitecto	HOK + LOBB Partnership e WS Atkins
Custo	121 millóns de £
Estadio
Superficie	Céspede
Capacidade	74.500
Propietario	Welsh Rugby Union
Localía	Selección de rugby de Gales Selección de fútbol de Gales
Eventos
Copa do Mundo de Rugby (1999 e 2015) Xogos Olímpicos de 2012

O Milennium Stadium por fóra.

O estadio abriu en xuño de 1999 e o primeiro grande evento internacional que acolleu foi un partido amigábel de rugby o 26 entre as seleccións de Gales e Suráfrica. É o estadio con teito retractábel máis grande do mundo e o segundo en construírse en Europa destas características despois do Amsterdam Arena. Cando se acabou de construír este era o estadio máis grande do Reino Unido con capacidade para 74.500 espectadores, máis co tempo foi superado polo Twickenham Stadium, Old Trafford e o novo Wembley Stadium. Agora mesmo é o cuarto estadio en capacidade do Seis Nacións tras Twickenham, o Stade de France e o Croke Park, o máis grande.

O dono do Millennium Stadium é a Millennium Stadium plc unha compañía subsidiaría da Federación de Rugby Galesa (WRU). O total da construción custou £121 millóns dos que a Millennium Commission achegou £46 millóns.