Maurits Cornelis Escher
Maurits Cornelis Escher, nado en Leeuwarden o 17 de xuño de 1898 e finado en Laren o 27 de marzo de 1972, foi un artista neerlandés, coñecido polos seus gravados en madeira (xilografías), en pedra (litografías) e a media tinta, que trataban de representar construcións imposibles, a exploración do infinito, e as combinacións de motivos que se transforman gradualmente en formas totalmente diferentes.
| Maurits Cornelis Escher | |
|---|---|
 | |
| Nome completo | Maurits Cornelis Escher |
| Nacemento | 17 de xuño de 1898 e 1898 |
| Lugar de nacemento | Leeuwarden |
| Falecemento | 27 de marzo de 1972 e 1972 |
| Lugar de falecemento | Baarn e Laren |
| Soterrado | New general cemetery Baarn |
| Nacionalidade | Reino dos Países Baixos |
| Etnia | Pobo neerlandés |
| Alma máter | Universidade Técnica de Delft |
| Ocupación | gravador, ilustrador, deseñador de selos, pintor, gravador, artista gráfico, ilusionista, fotógrafo, debuxante, litógrafo, xilogravador, wood carver, architectural draftsperson, deseñador, ceramics designer, muralista e escultor |
| Pai | George Arnold Escher |
| Nai | Sara Adriana Gleichman |
| Cónxuxe | Jetta Umiker |
| Irmáns | Johan George Escher |
| Coñecido por | Still Life with Spherical Mirror, Waterfall e Ascending and Descending |
| Premios | Knight of the Order of Orange-Nassau |
| Na rede | |
| http://www.mcescher.com/ | |
     | |
| [ editar datos en Wikidata ] | |
TraxectoriaEditar
Maurits Cornelis Escher foi o fillo máis novo dun enxeñeiro hidráulico. En 1903, a familia mudouse a Arnhem. O seu profesor F.W. van der Haagen ensinoulle a técnica dos gravados en linóleo e foi unha grande influencia para o mozo Escher.
ObraEditar
Con respecto ás técnicas utilizadas, Escher utilizou case exclusivamente recortes de madeira ata o ano 1929. Logo interesarase moito máis pola litografia e a xilogravura. Fixo gravados en madeira, e tamén uns 2.000 debuxos e borradores. De moitos existen decenas de reproducións, centos e ata miles doutros. Ao final da súa carreira destruíu algunhas das pranchas para que non se realizasen máis reproducións de orixinais. Tamén existen estudos e borradores de moitas das súas obras, en ocasións tamén varias versións dalgunhas delas. Moitas das súas obras vendéronse masivamente pouco despois da súa morte e están esparexidas polo mundo. Un grupo importante está exposto de forma permanente no Museo Escher na Haia (Países Baixos).
A súa obra experimenta con diversos métodos de representar (en debuxos de 2 ó 3 dimensións) espazos paradoxais que desafían aos modos habituais de representación. A obra de Maurits Cornelis Escher interesou a moitos matemáticos.
A análise das súas obras, tal e como a definiu Bruno Ernst, un dos seus biógrafos, permite clasificalas basicamente en tres temas e diversas categorías:
- A estrutura do espazo, incluíndo paisaxes, compenetración de mundo e corpos matemáticos;
- A estrutura da superficie: metamorfose, ciclos e aproximacións ao infinito;
- A proxección do espazo tridimensional no plano: representación pictórica tradicional, perspectiva e figuras imposibles.
Galería de imaxesEditar
Improbable
Imposible
Véxase taménEditar
Wikimedia Commons ten máis contidos multimedia na categoría: Maurits Cornelis Escher  |
Ligazóns externasEditar
| A Galicitas posúe citas sobre: Maurits Cornelis Escher |
- Sitio oficial de The M.C. Escher Company, propietaria dos dereitos de autor de Escher (en inglés)
- Escher Museo (en inglés)
- Exposición en Madrid (en castelán)
- Biografía en Microsiervos (en castelán)